പനിയും ഛര്ദിയും; യുവതി മരിച്ചു
പേരിയ: പനിയേയും ഛര്ദിയേയും തുടര്ന്ന് ആദിവാസി യുവതി മരിച്ചു. പേര്യ ആലാറ്റില് കുറ്റിവയല് ഉന്നതിയിലെ ശ്രീക്കുട്ടി (21)യാണ് മരിച്ചത്. അസുഖത്തെ തുടര്ന്ന് ചൊവ്വ രാവിലെയോടെ വയനാട് ഗവ. മെഡിക്കല് കോളേജ് ആശുപത്രിയില് ചികിത്സ തേടിയിരുന്നു. അസുഖം മൂര്ച്ഛിച്ചതിനെ തുടര്ന്ന് രാത്രി എട്ടോടെ കോഴിക്കോട് ഗവ.മെഡിക്കല് കോളേജിലേക്ക് റഫര് ചെയ്തു. യാത്രാമധ്യേ കാരന്തൂരില്വെച്ചാണ് മരിച്ചത്. മൃതദേഹം കോഴിക്കോട് ഗവ. മെഡിക്കല് കോളേജ് മോര്ച്ചറിയില്. ശ്രീക്കുട്ടിയുടെ മരണത്തെ തുടര്ന്ന് ജില്ലാ മെഡിക്കല് ഓഫീസര് ഡോ. കെ ടി രേഖയുടെ നേതൃത്വത്തില് ആരോഗ്യവകുപ്പ് ഉദ്യോഗസ്ഥര് സമീപ പ്രദേശങ്ങളില് പരിശോധന നടത്തി.
22 കുടുംബങ്ങളാണ് കുറ്റിവയല് പണിയ ഉന്നതിയില് താമസിക്കുന്നത്. എല്ലാ കുടുംബങ്ങളും ഒരു കിണറില്നിന്നാണ് കുടിവള്ളം ശേഖരിക്കുന്നത്. കുടിവെള്ളത്തിന്റെ സാംപിള് ശേഖരിച്ചു. ക്ലോറിനേഷന് നടത്തി. യുവതിയുടെ മരണകാരണം പരിശോധനാഫലങ്ങള് പൂര്ത്തിയായ ശേഷമേ അറിയാന് സാധിക്കൂ എന്ന് ആരോഗ്യവകുപ്പ് അധികൃതര് പറഞ്ഞു. ഷിഗെല്ലയാണോ എന്നതുള്പ്പെടെയുള്ള പരിശോധനകള് നടത്തും. ദാസന്റേയും ശോഭനയുടേയും മകളാണ് ശ്രീക്കുട്ടി. സംസ്കാരം പിന്നീട്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്