യുഎംഎഐ ഇന്റര് ക്ലബ്ബ് കുങ്ഫു, കരാത്തെ ചാമ്പ്യന്ഷിപ്പ്; വയനാട് ഓവറോള് ചാമ്പ്യന്മാര്.
കോഴിക്കോട്: വി കെ കൃഷ്ണമേനോന് ഇന്ഡോര് സ്റ്റേഡിയത്തില് വച്ച് നടന്ന യുണൈറ്റഡ് മാര്ഷല് ആര്ട്സ് അക്കാദമി ഇന്റര്നാഷണല് (യു എം എ ഐ ) ഇന്റര് ക്ലബ്ബ് ജാമ്പ്യന്ഷിപ്പില് യുഎംഎഐ അമ്പലവയല് ഒന്നാം സ്ഥാനവും, മേപ്പാടി ഡബ്ലിയു ആര് സി രണ്ടാം സ്ഥാനവും നേടി വയനാട് ജില്ല ഓവറോള് ചാമ്പ്യന്മാരായി. കുങ്ഫു കരാത്തെ വിഭാഗങ്ങളിലായി 800 ല് പരം കുട്ടികള് പങ്കെടുത്തു. വോളിബോള് അസോസിയേഷന് സംസ്ഥാന സെക്രട്ടറിയും കോഴിക്കോട് ജില്ലാ ഒളിമ്പിക് അസോസിയേഷന് സെക്രട്ടറിയുമായ സി സത്യന് ഉദ്ഘാടനം ചെയ്തു. യു എം എ ഐ ഫൗണ്ടര്&ഗ്രാന്ഡ് മാസ്റ്റര് ഡോക്ടര് ആരിഫ് സി പി അധ്യക്ഷത വഹിച്ചു. തായ്ക്കോണ്ടോ അസോസിയേഷന് പ്രസിഡണ്ട് ഉമേഷ് , വുഷു അസോസിയേഷന് മലപ്പുറം ജില്ലാ സെക്രട്ടറി സുമേഷ് പി എന്,വയനാട് ജില്ലാ വുഷു അസോസിയേഷന് പ്രസിഡണ്ട് പ്രമോദ് ടി ആര്, നവാസ് കെ സി, ഇസ്മായില് ടി എം, കെ ടി ശരീഫ് വാവാട്, സിദ്ദിഖ് കല്പ്പറ്റ ഷബീര് സി പി, തുടങ്ങിയവര് സന്നിഹിതരായിരുന്നു. കരാത്തെയില് 98 പോയിന്റ് നേടി യു എം എ ഐ എളയിടം ഓവറോള് ചാമ്പ്യന്മാരായി. 72 പോയിന്റ് നേടി യു എം എ ഐ സ്പര്ശം പുള്ളന്നൂര് രണ്ടാം സ്ഥാനം നേടി. കുങ്ഫു വിഭാഗത്തില് 187 പോയിന്റ് നേടി യു എം എ ഐ അമ്പലവയല് ടീം ഓവറോള് ചാമ്പ്യന്മാരായി.123 പോയിന്റ് നേടി മേപ്പാടി യു എം എ ഐ ഡബ്ലിയു ആര് സി രണ്ടാം സ്ഥാനവും നേടി. ചാമ്പ്യന്ഷിപ്പ് കോഡിനേറ്റര് സി എച്ച് ഷറഫുദ്ദീന്, വുഷു ഇന്റര്നാഷണല് എഗ്രേഡ് ജഡ്ജും യു എം എ ഐ ഫൗണ്ടറും ഗ്രാന്ഡ്മാസ്റ്ററുമായ ഡോക്ടര് ആരിഫ് സി പി എന്നിവര് ചേര്ന്ന് വിജയികള്ക്ക്ട്രോഫികള് വിതരണം ചെയ്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്
mv103c