ഇന്ധന വില വീണ്ടും കൂട്ടി; പെട്രോള് ലിറ്ററിന് 86 പൈസയും ഡീസല് ലിറ്ററിന് 83 പൈസയും വര്ധിപ്പിച്ചു
ഡല്ഹി: രാജ്യത്ത് ഇന്ധന വിലയില് നേരിയ വര്ധന. പെട്രോള് ലീറ്ററിന് 86 പൈസയും ഡീസല് ലീറ്ററിന് 83 പൈസയും വര്ധിപ്പിച്ചു. കൊച്ചിയില് പെട്രോളിന് 109 രൂപ 73 പൈസയും ഡീസലിന് 98 രൂപ 53 പൈസയുമായി. ഒരാഴ്ചയ്ക്കിടെ രണ്ടാമത്തെ വില വര്ധനവാണിത്.
അതേസമയം, രാജ്യത്ത് ഇന്ധന ക്ഷാമം ഇല്ലെന്ന് ആവര്ത്തിച്ച് കേന്ദ്രം. അസംസ്കൃത എണ്ണ, പിഎന്ജി, എല്പിജി എന്നിവ മതിയായ അളവില് ലഭ്യമെന്നാണ് കേന്ദ്രസര്ക്കാര് വാദം. ഹോര്മുസ് കടലിടുക്കിലെ സ്ഥിതി സാധാരണ നിലയിലായിട്ടില്ലെന്നും അന്താരാഷ്ട്ര വിപണിയില് അസംസ്കൃത എണ്ണ, പ്രകൃതിവാതകം, എല്പിജി എന്നിവയുടെ വിലയില് കുത്തനെ വര്ധനയുണ്ടായെന്നും പെട്രോളിയം മന്ത്രാലയം ജോയിന്റ് സെക്രട്ടറി സുജാത ശര്മ്മ പറഞ്ഞു. രാജ്യത്ത് ആവശ്യത്തിന് അസംസ്കൃത എണ്ണ ശേഖരമുണ്ടെന്നും റിഫൈനറികള് സാധാരണ നിലയില് പ്രവര്ത്തിക്കുന്നുവെന്നും അവര് വ്യക്തമാക്കി.
അതിനിടെ, ഹോര്മുസ് കടലിടുക്ക് കടന്ന ഒരു എല്പിജി ടാങ്കര് കൂടി ഉടന് ഇന്ത്യയില് എത്തും. വിയറ്റ്നാം പതാകയേന്തിയ എന്വി സണ്ഷൈന് എല്പിജി കപ്പല് ഇന്ന് മംഗ്ലൂര് തീരത്ത് എത്തും എന്നാണ് റിപ്പോര്ട്ട്. 46,427 ടണ് എല്പിജിയാണ് കപ്പലില് ഉള്ളത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്