കെപിസിസി ലക്ഷ്യ ലീഡര്ഷിപ്പ് സമ്മിറ്റ്; ദ്വിദിന ക്യാമ്പ് ജനുവരി 4,5 ന് വയനാട്ടില് നടക്കും
ബത്തേരി: നിയമസഭാ തിരഞ്ഞെടുപ്പ് മുന്നൊരുക്കങ്ങള് ചര്ച്ച ചെയ്യുന്നതിനായി കെപിസിസിയുടെ നേതൃത്വത്തില് ലക്ഷ്യ ലീഡര്ഷിപ്പ് സമ്മിറ്റ് ദ്വിദിന ക്യാമ്പ് ജനുവരി 4,5 തീയതികളില് വയനാട് സുല്ത്താന് ബത്തേരിയിലുള്ള സപ്ത കണ്വെന്ഷന് സെന്ററില് നടക്കുമെന്ന് കെപിസിസി സംഘടനാ ചുമതലയുള്ള ജനറല് സെക്രട്ടറി നെയ്യാറ്റിന്കര സനല് അറിയിച്ചു. രാവിലെ 9.30ന് പതാക ഉയര്ത്തിയ ശേഷം നടക്കുന്ന ഉദ്ഘാടന സമ്മേളനത്തോടെ ദ്വിദിന ക്യാമ്പിന് തുടക്കമാകും. കെപിസിസി പ്രസിഡന്റ് സണ്ണി ജോസഫ് എംഎല്എയുടെ അധ്യക്ഷതയില് നടക്കുന്ന സമ്മേളനം എഐസിസി ജനറല് സെക്രട്ടറി കെസി വേണുഗോപാല് എംപി ഉദ്ഘാടനം ചെയ്യും. പ്രതിപക്ഷ നേതാവ് വിഡി സതീശന്, എഐസിസി ജനറല് സെക്രട്ടറി ദീപാദാസ് മുന്ഷി, കോണ്ഗ്രസ് പ്രവര്ത്തക സമിതി അഗംങ്ങള്, മുന് കെപിസിസി പ്രസിഡന്ററുമാര് തുടങ്ങിയവര് നേതൃത്വം നല്കും.
കേന്ദ്രസംസ്ഥാന സര്ക്കാരുകളുടെ ജനദ്രോഹ ഭരണത്തിനെതിരായ തിരഞ്ഞെടുപ്പ് പ്രചരണത്തിന് യോഗം രൂപം നല്കും.വിലക്കയറ്റം,ഭരണസ്തംഭനം, സ്വര്ണ്ണക്കൊള്ള ഉള്പ്പെടെയുള്ള വിഷയങ്ങളില് സര്ക്കാരുകള്ക്കെതിരെ പ്രക്ഷോഭം കൂടുതല് ശക്തമാക്കുന്നത് സംബന്ധിച്ച കാര്യങ്ങള്ക്ക് അന്തിമരൂപം നല്കും. ദേശീയ,സംസ്ഥാനതലത്തിലെ സമകാലിക രാഷ്ട്രീയ വിഷയങ്ങളില് വിശദമായ ചര്ച്ച നടത്തുന്നതോടൊപ്പം സംഘടനാ വിഷയങ്ങളും യോഗം വിശദമായി ചര്ച്ച ചെയ്യും. ജനുവരി 5ന് വൈകുന്നേരം 3ന് നടക്കുന്ന സമാപന സമ്മേളനത്തോടെ ക്യാമ്പ് അവസാനിക്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്