മന്തട്ടിക്കുന്നിലെ വീട്ടില് നിന്നും എം.ഡി.എം.എയുമായി യുവാക്കള് പിടിയിലായ സംഭവം; ലഹരി നല്കിയയാള് പിടിയില്
ബത്തേരി: മന്തട്ടിക്കുന്നിലെ വീട്ടില്നിന്നും എം.ഡി.എം.എ പിടികൂടിയ സംഭവത്തില് എം.ഡി.എം.എ നല്കിയയാള് അറസ്റ്റില്. മുഖ്യപ്രതിയായ ബത്തേരി, മുള്ളന്കുന്ന്, കണ്ടാക്കൂല് വീട്ടില് കെ. അനസി(34)നെയാണ് ബത്തേരി പോലീസ് പിടികൂടിയത്. 29.12.2025 തിയ്യതി കോഴിക്കോട് തിരുവള്ളൂരില് വച്ചാണ് പോലീസ് ഇയാളെ പിടികൂടിയത്. കൃത്യമായ തുടരന്വേഷണത്തിലാണ് ഇയാള് വലയിലാകുന്നത്.20.11.2025 തീയതി രാത്രിയിലാണ് അതിമാരക മയക്കുമരുന്നായ എം.ഡി.എം.എയുമായി ബത്തേരി കുപ്പാടി പുത്തന്പുരക്കല് വീട്ടില് ബൈജു (23), ചെതലയം കയ്യാലക്കല് വീട്ടില് കെ.എം ഹംസ ജലീല് (28), മൂലങ്കാവ് കാടന്തൊടി വീട്ടില് കെ.ടി നിസാര്(34), കൈപ്പഞ്ചേരി പുന്നപ്പറമ്പില് വീട്ടില് പി.ആര് ബവനീഷ് (23) എന്നിവരെ ജില്ലാ ലഹരി വിരുദ്ധ സ്ക്വാഡും ബത്തേരി പോലീസും ചേര്ന്ന് മന്തേട്ടിക്കുന്നിലെ ബൈജുവിന്റെ വീട്ടില് നിന്ന് പിടികൂടിയത്. രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയില് 21.48 ഗ്രാം എം.ഡി.എം.എയാണ് പിടിച്ചെടുത്തത്. ബത്തേരി സ്റ്റേഷന് ഇന്സ്പെക്ടര് എസ് എച്ച് ഓ ശ്രീകാന്ത് എസ് നായരുടെ നേതൃത്വത്തില് സബ് ഇന്സ്പെക്ടര് ജെസ്വിന് ജോയ്, സീനിയര് സിവില് പോലീസ് ഓഫീസര്മാരായ ലബ്നാസ്, മുസ്തഫ, സിവില് പോലീസ് ഓഫീസര് സിജോ എന്നിവരടങ്ങുന്ന സംഘമാണ് ഇയാളെ പിടി കൂടിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്