കളിച്ചു കൊണ്ടിരുന്ന കുട്ടിയുടെ സ്വര്ണകമ്മല് കവര്ച്ച ചെയ്യാന് ശ്രമിച്ച കര്ണാടക സ്വദേശി പിടിയില്
വെള്ളമുണ്ട: വീട്ടുമുറ്റത്ത് കളിച്ചു കൊണ്ടിരുന്ന ഏഴ് വയസുകാരിയുടെ സ്വര്ണ്ണകമ്മല് കവര്ച്ച ചെയ്യാന് ശ്രമിച്ച കര്ണാടക സ്വദേശി പിടിയില്. ഹുന്സൂര്, ഹനഗോഡ് ഹോബ്ലി, മണികണ്ഠ(20)യെയാണ് വെള്ളമുണ്ട പോലീസ് അറസ്റ്റ് ചെയ്തത്. ഡിസംബര് 30ന് വൈകീട്ടോടെ കാരാട്ടുകുന്നിലെ വീട്ടുമുറ്റത്ത് നിന്നാണ് കുട്ടിയുടെ കമ്മല് കവര്ച്ച ചെയ്യാന് ശ്രമിച്ചത്. ഒരു കൈ കൊണ്ട് വായ പൊത്തി കുട്ടിയെ ഭയപ്പെടുത്തി മറ്റേ കൈ കൊണ്ട് കമ്മല് അഴിച്ചു കൊണ്ടിരിക്കുമ്പോള് ബന്ധു കാണുകയും ഇയാള് ഓടി രക്ഷപ്പെടുകയുമായിരുന്നു. പിന്നീട്, ഇയാളെ കാരക്കാമല ബസ് സ്റ്റോപ്പിനടുത്തു വെച്ച് പിടികൂടുകയായിരുന്നു. കുട്ടിക്ക് നിസ്സാര പരിക്കേറ്റു. ഇസ്പെക്ടര് എസ് എച്ച് ഓ ബിജു ആന്റണി, സബ് ഇന്സ്പെക്ടര് സജി, സിപിഓ മാരായ സച്ചിന്, ദീപു എന്നിവരാണ് പോലീസ് സംഘത്തിലുണ്ടായിരുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്