ജനങ്ങളെ പരിഭ്രാന്തരാക്കി നടുറോഡില് പടക്കം പൊട്ടിച്ചു; പോലീസ് കേസെടുത്തു
മാനന്തവാടി: ജനങ്ങളെ പരിഭ്രാന്തരാക്കി മദ്യലഹരിയില് നടുറോഡില് പടക്കം പൊട്ടിച്ച് പുതുവത്സരാഘോഷം നടത്തിയ മൂന്നാളുകളുടെ പേരില് മാനന്തവാടി പോലീസ് കേസെടുത്തു. മാനന്തവാടി വിമലനഗര് ഒഴക്കോടി കുന്നുംപുറത്ത് വീട്ടില് ദീപേഷ് മോഹനന് (35), മാനന്തവാടി ചൂട്ടക്കടവ് കളത്തില് ഇ.കെ. പ്രജിത്ത് (34) പാണ്ടിക്കടവ് മുസ്ലിയാര് ഹൗസില് എം. മുനീര് (39) എന്നിവരുടെ പേരിലാണ് മാനന്തവാടി പോലീസ് കേസെടുത്തത്. ഇന്ന് ഉച്ചയ്ക്ക് 1.30ഓടെ മാനന്തവാടി നഗരസഭാ ബസ് സ്റ്റാന്ഡ് പരിസരത്താണ് വാഹനത്തിലെത്തി ഇവര് പരിഭ്രാന്തി സൃഷ്ടിച്ചത്. ബസ് സ്റ്റാന്ഡിലേക്ക് പരിസരത്ത് പടക്കമെറിഞ്ഞ ശേഷം കടന്നുകളഞ്ഞ സംഘം എല്എഫ് സ്കൂള് കവലയിലും പടക്കമെറിഞ്ഞു. ഇതുവഴി വന്ന പോലീസ് വാഹനം കൈകാണിച്ചു നിര്ത്തിയപ്പോള് വാഹമോടിച്ച ദീപേഷ് മോഹനന് മദ്യലഹരിയിലായിരുന്നുവെന്നു പോലീസ് നടത്തിയ പരിശോധനയില് വ്യക്തമായി. വാഹനത്തില്നിന്നു സുരക്ഷാക്രമീകരണം പാലിക്കാതെ കൊണ്ടുപോവുകയായിരുന്ന പടക്കങ്ങളും പോലീസ് കസ്റ്റഡിയിലെടുത്തു. മനുഷ്യജീവനു അപകമുണ്ടാവുന്നതരത്തില് അശ്രദ്ധമായും മദ്യലഹരിയിലും വാഹനം ഓടിച്ചതിനും പോലീസ് കേസെടുത്തിട്ടുണ്ട്. ഇവര് സഞ്ചരിച്ച കാറും പോലീസ് കസ്റ്റഡിയിലെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്