ശക്തമായ മഴയിലും വര്‍ണാഭമായി ജില്ലയിലെ സ്വാതന്ത്ര്യദിനാഘോഷം
കല്‍പ്പറ്റ: രാജ്യത്തിന്റെ 79-ാമത് സ്വാതന്ത്ര്യദിനാഘോഷം ജില്ലയില്‍ വര്‍ണാഭമായി ആഘോഷിച്ചു. സംസ്ഥാന പട്ടികജാതി പട്ടികവര്‍ഗ പിന്നോക്കക്ഷേമ വികസന വകുപ്പ് മന്ത്രി ഒ. ആര്‍. കേളു കല്‍പ്പറ്റ എസ്.കെ.എം.ജെ ഹൈസ്‌കൂള്‍ ഗ്രൗണ്ടില്‍ പതാക ഉയര്‍ത്തി. പരേഡില്‍ അഭിവാദ്യം സ്വീകരിച്ച് അദ്ദേഹം സ്വാതന്ത്ര്യദിന സന്ദേശം നല്‍കി. ജില്ലാ കലക്ടര്‍ ഡി.ആര്‍. മേഘശ്രീ ഐ.എ.എസ്, ജില്ലാ പോലീസ് മേധാവി തപോഷ് ബസുമതാരി ഐ.പി.എസ് മറ്റു വകുപ്പ് മേധാവികള്‍ തുടങ്ങിയവര്‍ സന്നിഹിതരായിരുന്നു. ജില്ലാ കളക്ടര്‍ തിരഞ്ഞെടുപ്പ് അവബോധ പ്രതിജ്ഞ ചൊല്ലിക്കൊടുത്തു. തുടര്‍ന്ന് കലാപരിപാടികളും അരങ്ങേറി. ശക്തമായ മഴയിലും കുട്ടികളടക്കമുള്ളമുള്ളവര്‍ ഗ്രൗണ്ടില്‍ അണിനിരന്നു.
പോലീസ്, എക്‌സൈസ്, ഫോറസ്റ്റ്, എന്‍.സി.സി, എസ്.പി.സി, സ്‌കൗട്‌സ് ആന്‍ഡ് ഗൈഡ്‌സ്, പോലീസ് ബാന്‍ഡ്, ജൂനിയര്‍ റെഡ് ക്രോസ് എന്നിവര്‍ 29 പ്ലട്ടൂണുകളിലായി സ്വാതന്ത്ര്യദിന പരേഡില്‍ അണിനിരന്നു. കൂടാതെ കണ്ണൂര്‍ ഡി.എസ്.സി സൈക്കിള്‍ റാലി ടീമും കൂടാതെ ആര്‍മി ബാന്‍ഡ് ടീം ജില്ലാ പോലീസ് ബാന്‍ഡ് ടീമിനൊപ്പമുണ്ടായിരുന്നു. പനമരം ഇന്‍സ്‌പെക്ടര്‍ എസ്.എച്ച്. ഒ പി.ജി രാംജിത്ത് പരേഡ് കമാണ്ടറായി. ഒ.എസ്. ബെന്നി സെക്കന്‍ഡ് ഇന്‍ കമാണ്ടര്‍ ആയി. പ്രസ്തുത പരേഡില്‍ യൂണിഫോമ്ഡ് സേനാ വിഭാഗത്തില്‍ ഡി.എച്ച്.ക്യു വയനാട് ഒന്നാം സ്ഥാനവും, ഫോറെസ്റ്റ് രണ്ടാം സ്ഥാനവും നേടി. എന്‍.സി.സി വിഭാഗത്തില്‍ കല്‍പ്പറ്റ എന്‍.എം.എസ്.എം കോളജ് ഒന്നാമതും നിര്‍മല എച്ച്. എസ് തരിയോട് രണ്ടാമതുമായി. സ്റ്റുഡന്റ് പോലീസ് കേഡറ്റ് വിഭാഗത്തില്‍ ജി.എം.ആര്‍.എസ് കണിയാമ്പറ്റ ഒന്നാം സ്ഥാനം കരസ്ഥമാക്കി. നിര്‍മല എച്ച്. എസ് തരിയോട് രണ്ടാം സ്ഥാനം നേടി. സ്‌കൗട്‌സില്‍ എസ്.കെ.എം.ജെ എച്ച്.എസ്.എസ് കല്‍പ്പറ്റ, ഡബ്‌ള്യു.ഒ.എച്ച്.എസ്.എസ് മുട്ടില്‍, ഗൈഡ്‌സ് വിഭാഗത്തില്‍ എന്‍.എസ്.എസ് എച്ച്.എസ്.എസ് കല്‍പ്പറ്റ, എസ്.കെ.എം.ജെ എച്ച്.എസ്.എസ് കല്‍പ്പറ്റ എന്നിവര്‍ യഥാക്രമം ഒന്നും രണ്ടും സ്ഥാനങ്ങള്‍ പങ്കിട്ടു. ജെ.ആര്‍.സിയില്‍ എസ്.കെ.എം.ജെ എച്ച്.എസ്.എസ് ഒന്നാമതെത്തി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍