വയനാട് ജില്ലയിലെ ക്വാറികളുടെ പ്രവര്‍ത്തന നിരോധനം പിന്‍വലിച്ചു; വാളാട് വില്ലേജിലുള്ള ക്വാറിയ്ക്ക് നിയന്ത്രണം തുടരും
കല്‍പ്പറ്റ: വയനാട് ജില്ലയിലെ ക്വാറികള്‍ തുറന്നു പ്രവര്‍ത്തിക്കുന്നതിന് ഏര്‍പ്പെടുത്തിയ നിയന്ത്രണങ്ങള്‍ പിന്‍വലിച്ച് ജില്ലാ കളക്ടര്‍ ഡി ആര്‍ മേഘശ്രീ ഉത്തരവിട്ടു. മാനന്തവാടി താലൂക്കിലെ വാളാട് വില്ലേജിലുള്ള ക്വാറി ഒഴികെ ജില്ലയിലെ എല്ലാ ക്വാറികളും തുറന്നു പ്രവര്‍ത്തിക്കാമെന്നും
കേന്ദ്ര കാലാവസ്ഥ വകുപ്പ് പുറപ്പെടുവിക്കുന്ന ഓറഞ്ച്, റെഡ് ജാഗ്രത നിര്‍ദേശങ്ങളുള്ള സമയങ്ങളിലും ശക്തമായ മഴ പെയ്യുന്ന സാഹചര്യത്തിലും ജില്ലയിലെ എല്ലാ ക്വാറികളുടെയും പ്രവര്‍ത്തനം നിര്‍ത്തിവയ്ക്കണമെന്നും കളക്ടര്‍ അറിയിച്ചു. ജില്ലാ ജിയോളജിസ്റ്റ്, ബന്ധപ്പെട്ട തഹസില്‍ദാര്‍മാര്‍, തദ്ദേശസ്വയംഭരണ സ്ഥാപന സെക്രട്ടറിമാര്‍ എന്നിവര്‍ ഇക്കാര്യം പരിശോധിക്കുകയും തുടര്‍ നടപടി സ്വീകരിക്കുകയും ചെയ്യണം. യന്ത്ര സഹായത്തോടെയുള്ള മണ്ണ് നീക്കത്തിന് ഏര്‍പ്പെടുത്തിയ നിയന്ത്രണവും കുറുവ ദ്വീപിലെ പ്രവേശന വിലക്കും തുടരുമെന്നും ജില്ലാ ദുരന്ത നിവാരണ അതോറിറ്റി ചെയര്‍പേഴ്‌സണ്‍ കൂടിയായ ജില്ലാ കളക്ടര്‍ അറിയിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍
n282uy