കൃഷിയും കര്‍ഷകനും സംരക്ഷിക്കപ്പെടണം: കെസിവൈഎം അര്‍ദ്ധവാര്‍ഷിക സെനറ്റ്
മാനന്തവാടി: കെസിവൈഎം മാനന്തവാടി രൂപതയുടെ മുപ്പത്തിയൊന്നാമത് അര്‍ദ്ധവാര്‍ഷിക സെനറ്റ് സമ്മേളനം തരിയോട് മേഖലയുടെ നേതൃത്വത്തില്‍ കുറമ്പാല യൂണിറ്റില്‍ വെച്ച് നടത്തപ്പെട്ടു. കെസിവൈഎം മുന്‍ രൂപതാ പ്രസിഡന്റ് മാത്യു തറയില്‍ സെനറ്റ് സമ്മേളനം ഉല്‍ഘാടനം ചെയ്തു. സമ്മേളനത്തിന് രൂപതാ പ്രസിഡന്റ് ബിബിന്‍ പിലാപ്പിള്ളില്‍ അധ്യക്ഷത വഹിച്ചു. സംസ്ഥാന അംഗം റ്റിജിന്‍ ജോസഫ് വെള്ളപ്ലാക്കില്‍ പ്രമേയം അവതരിപ്പിച്ചു. വയനാട് പോലുള്ള മലയോര മേഖലയിലെ കാര്‍ഷിക ജീവിതം നിലനിര്‍ത്തുന്നതിന് സര്‍ക്കാര്‍ നയപരമായി ഇടപെടേണ്ടതിന്റെ അത്യാവശ്യത പ്രമേയത്തിലൂടെ ശക്തമായി ഉന്നയിച്ചു. വിള ഇന്‍ഷുറന്‍സ്, കര്‍ഷക സംരക്ഷണ ബോര്‍ഡ്, വന്യമൃഗ ബാധിതര്‍ക്കുള്ള നഷ്ടപരിഹാര സംവിധാനം തുടങ്ങിയവ കൃത്യമായി പ്രാവര്‍ത്തികമാക്കണമെന്നും പ്രമേയം ആവശ്യപ്പെട്ടു.
സെനറ്റില്‍ മേഖല രൂപതാ റിപ്പോര്‍ട്ട് അവതരണവും സംഘടനാതല ചര്‍ച്ചകളും നടന്നു. എന്റെ ഗ്രാമം, ഗ്രീന്‍ ഫ്യൂച്ചര്‍, പ്രവര്‍ത്തനമാസാചരണം തുടങ്ങിയ പദ്ധതികളില്‍ മികച്ച പ്രവര്‍ത്തനം നടത്തിയ മേഖലയെയും യൂണിറ്റുകളെയും ചടങ്ങില്‍ ആദരിച്ചു.
രൂപതാ ഡയറക്ടര്‍ ഫാ സാന്റോ അമ്പലത്തറ, വൈസ് പ്രസിഡന്റ് ആഷ്‌ന പാലാരിക്കുന്നേല്‍, ജനറല്‍ സെക്രട്ടറി വിമല്‍ കൊച്ചുപുരയ്ക്കല്‍ , സെക്രട്ടറി ഡ്യൂണ മരിയ കിഴക്കേ മണ്ണൂര്‍ , ട്രഷറര്‍ നവീന്‍ പുലകുടിയില്‍ , ആനിമേറ്റര്‍ സി. റോസ് ടോം എസ് എ ബി എസ്
രൂപത സിന്‍ഡിക്കേറ്റ് അംഗങ്ങള്‍ നേതൃത്വം നല്‍കി
ണൃശലേ ീേ ടമഷമ്യമി ഗെ
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍