വിദ്യാര്‍ത്ഥികളോട് അപമര്യാദയായി പെരുമാറുന്ന ബസ്സ് ജീവനക്കാര്‍ക്കെതിരെ കര്‍ശന നടപടി സ്വീകരിക്കും: ജില്ലാ പോലീസ് മേധാവി
വിദ്യാര്‍ത്ഥികളോട് അപമര്യാദയായി പെരുമാറുന്ന ബസ്സ് ജീവനക്കാര്‍ക്കെതിരെ പരാതി എന്തെങ്കിലും ഉണ്ടെങ്കില്‍ പൊതുജനങ്ങല്‍ക്കും വിദ്യാര്‍ത്ഥികള്‍ക്കും പോലീസിനെ സമീപിക്കാവുന്നതാണെന്നും ഇത്തരം പരാതികളില്‍ നിയമപരമായ നടപടികള്‍ ഉടന്‍ സ്വീകരിക്കുന്നതാണെന്നും ജില്ലാ പോലീസ് മേധാവി ഡോ.അരുള്‍ ആര്‍.ബി കൃഷ്ണ ഐ.പി.എസ്.നിയമപരമായി വിദ്യാര്‍ത്ഥികള്‍ക്ക് ലഭിക്കേണ്ടൂന്ന ആനുകൂല്യങ്ങള്‍ നിഷേധിക്കുന്ന നിലപാട് ആരുടെ ഭാഗത്ത് നിന്നും ഉണ്ടായാലും അതിനെതിരെ ശക്തമായ നിയമ നടപടികള്‍ സ്വീകരിക്കുന്നതിനായി എല്ലാ പോലീസ് സ്‌റ്റേഷനിലേയും സബ്ബ് ഇന്‍സ്‌പെക്ക്ടര്‍മാര്‍ക്കും കര്‍ശന നിര്‍ദ്ദേശം നല്‍കിയതായും അദ്ദേഹം.സ്‌കൂള്‍ വിദ്യാര്‍ത്ഥികള്‍ക്ക് നിയമപരമായി ലഭിക്കേണ്ടുന്ന യാത്രാ സൗജന്യത്തെ ചൊല്ലിയും,വിദ്യാര്‍ത്ഥികള്‍ ബസ്സില്‍ കയറൂന്നതിനെ ചൊല്ലിയും മറ്റുമാണ് ഇത്തരം തര്‍ക്കങ്ങള്‍ ഉടലെടുക്കുന്നത്.വയനാട് ജില്ലയില്‍ ഇടയ്ക്കിടെ നിസ്സാര പ്രശ്‌നങ്ങളെ ചൊല്ലി നടത്തുന്ന ബസ്സ് പണിമുടക്കുകള്‍ പൊതുജനങ്ങള്‍ക്ക് അത്യധികം ബുദ്ധിമുട്ടുണ്ടാക്കുന്നതായി പോലീസിന്റെ ശ്രദ്ധയില്‍പ്പെട്ടിട്ടുണ്ടെന്നും അദ്ദേഹം പറഞ്ഞു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍