അരക്കിലോ കഞ്ചാവുമായി യുവാവ് അറസ്റ്റില്‍
മരക്കടവ്: കേരളാ എക്‌സൈസ് മൊബൈല്‍ ഇന്റര്‍വെന്‍ഷന്‍ യൂണിറ്റ് പാര്‍ട്ടിയും സുല്‍ത്താന്‍ ബത്തേരി എക്‌സൈസ് റേഞ്ച് പാര്‍ട്ടിയും സംയുക്തമായി എക്‌സൈസ് ഇന്‍സ്‌പെക്ടര്‍ പി.ബാബുരാജിന്റെ നേതൃത്വത്തില്‍ കേരളാ- കര്‍ണ്ണാടക അതിര്‍ത്തി പ്രദേശങ്ങളില്‍ നടത്തിയ പരിശോധനയില്‍ പുല്‍പ്പള്ളി മരക്കടവ് ഭാഗത്ത് വെച്ച് 500 ഗ്രാം കഞ്ചാവുമായി ഒരാളെ അറസ്റ്റ് ചെയ്തു.
അമ്പലവയല്‍ കുറ്റിക്കൈത സ്വദേശി ഇല്ലികുടുമ്പില്‍ വീട്ടില്‍ വിനേഷ് (38) ആണ് അറസ്റ്റിലായത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പി ഡി സുരേഷ് , പ്രിവന്റീവ് ഓഫീസര്‍ മനോജ്കുമാര്‍, സിവില്‍ എക്‌സൈസ് ഓഫീസര്‍മാരായ രാജേഷ് ഇ.ആര്‍, ഷിന്റോ സെബാസ്റ്റ്യന്‍, മാനുവല്‍ ജിംസണ്‍, ശിവന്‍ ഇ.ബി, രമ്യ ബി.ആര്‍, സിവില്‍ എക്‌സൈസ് ഓഫീസര്‍ ഡ്രൈവര്‍ അന്‍വര്‍ സാദത്ത് എന്‍ എം എന്നിവര്‍ പരിശോധനയില്‍ പങ്കെടുത്തു. കഞ്ചാവ് വില്‍പ്പന സംഘത്തിലെ മറ്റു കണ്ണികളെ കുറിച്ചുള്ള അന്വേഷണം പുരോഗമിച്ചുവരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍