മാതൃകാ വാടക നിയമം ഉടന്‍ നടപ്പാക്കണം: ബില്‍ഡിംഗ് ഓണേഴ്‌സ് വെല്‍ഫെയര്‍ അസോസിയേഷന്‍
മാനന്തവാടി: ബില്‍ഡിംഗ് ഓണേഴ്‌സ് വെല്‍ഫെയര്‍ അസോസിയേഷന്‍ മാനന്തവാടി താലൂക്ക് ജനറല്‍ ബോഡി യോഗം മാനന്തവാടി വയനാട് സ്‌ക്വയര്‍ ഹോട്ടലില്‍ നടന്നു. ബക്കര്‍ പള്ളിയാല്‍ യോഗത്തില്‍ അധ്യക്ഷത വഹിച്ചു. കെട്ടിട നികുതി വര്‍ധനവിലൂടെ കനത്ത ഭാരം ചുമത്തിയത് കൂടാതെ വാടകയുടെ മേല്‍ ജിഎസ്ടി കൂടി ഏര്‍പ്പെടുത്തിയത് കെട്ടിട ഉടമകളെ പ്രതിസന്ധിയില്‍ ആക്കിയിരിക്കുകയാണെന്നും കേരള സര്‍ക്കാര്‍ കേന്ദ്ര മാതൃകാ വാടക നിയമം കേരളത്തില്‍ നടപ്പാക്കുന്നതില്‍ സംസ്ഥാന സര്‍ക്കാര്‍ അലംഭാവം കാണിക്കുകയാണെന്നും യോഗം കുറ്റപ്പെടുത്തി . ജില്ലാ പ്രസിഡന്റ് അബ്ദുല്‍ മനാഫ് വൈസ് പ്രസിഡണ്ട് പീറ്റര്‍ മൂഴയില്‍, ജോസഫ് കുര്യന്‍, അലി ബ്രാന്‍ എന്നിവര്‍ സംസാരിച്ചു. യോഗത്തില്‍ പുതിയ ഭാരവാഹികളെ തിരഞ്ഞെടുത്തു. പ്രസിഡണ്ടായി എന്‍.എ. ഫൗലാദ്, സെക്രട്ടറി നിരണ്‍.വി, ട്രഷറര്‍ ക്രിസ്റ്റി പോള്‍ എന്നിവരെ തിരഞ്ഞെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍