ഫ്‌ളെയര്‍ വിദ്യാഭ്യാസ പദ്ധതി പ്രധാനാധ്യാപക സംഗമം നടത്തി
ബത്തേരി: ഐ.സി.ബാലകൃഷ്ണന്‍ എം.എല്‍.എയുടെ സമഗ്ര വിദ്യാഭ്യാസ പദ്ധതിയായ ഫ്‌ളെയറിന്റെ ഭാഗമായി പ്രധാനാധ്യാപക സംഗമം നടത്തി. ബത്തേരി നിയോജക മണ്ഡലത്തിലെ എല്‍.പി , യു പി , ഹൈസ്‌കൂള്‍, ഹയര്‍സെക്കന്ററി സ്‌കൂളുകളിലെ പ്രധാനാധ്യാപകര്‍ പങ്കെടുത്തു. മണ്ഡലത്തിലെ എല്‍.എസ്.എസ്, യു.എസ്.എസ്, എസ്.എസ്.എല്‍.സി, ഹയര്‍ സെക്കന്ററി ഉന്നത വിജയികളെയും സ്‌കൂളുകളേയും അഭിനന്ദിക്കാനും ഫ്‌ളെയറിന്റെ ഭാഗമായി നടന്നു വരുന്ന എന്‍.എം.എം.എസ്, സി.യു. ഇ.ടി, നീറ്റ്, സിവില്‍ സര്‍വീസ് പരിശീലനങ്ങള്‍ക്കൊപ്പം എല്‍.എസ്.എസ്, യു.എസ്.എസ് പരിശീലനങ്ങള്‍ ആരംഭിക്കാനും തീരുമാനിച്ചു. അധ്യാപകസംഗമം ഐ.സി. ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. ഫ്‌ളെയറിന്റെ പുതിയ അക്കാദമിക വര്‍ഷത്തെ പ്രവര്‍ത്തന പദ്ധതി എം.എല്‍.എ അവതരിപ്പിച്ചു.
വയനാട് ഡയറ്റ് പ്രിന്‍സിപ്പാള്‍ സെബാസ്റ്റ്യന്‍ കെ.എം അധ്യക്ഷനായി. ഫ്‌ളെയര്‍ പദ്ധതി കോ-ഓര്‍ഡിനേറ്റര്‍ കെ.വി. മനോജ് പദ്ധതി വിശദീകരണം നടത്തി. ഹയര്‍ സെക്കന്ററി ജില്ലാ കോ-ഓര്‍ഡിനേറ്റര്‍ ഷിവികൃഷ്ണന്‍ , എ.ഇ. ഒ ഇന്‍ ചാര്‍ജ് ബി.രാജേഷ്, ഡെക്ടാസ് അക്കാദമി സി.ഇ. ഒ സ്മിജേഷ്, വികാന്‍ കോ-ഓര്‍ഡിനേറ്റര്‍ അപര്‍ണ ജോസ് എന്നിവര്‍ ആശംസകളര്‍പ്പിച്ചു. ഫ്‌ളെയര്‍ കണ്‍വീനര്‍ സജി.ടി.ജി. സ്വാഗതവും ജോ- കണ്‍വീനര്‍ ചന്ദ്രന്‍ കെ.വി. നന്ദിയും പറഞ്ഞു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍