പാത്തുമാധവ്'പുസ്തകം പ്രകാശനം ചെയ്തു
തരുവണ: വയനാട് ജില്ലാ ബേങ്ക് മുന്‍ജനറല്‍ മാനേജര്‍ അലി പള്ളിയാല്‍ രചിച്ച രണ്ടാമത്തെ ചെറുകഥാ സാമാഹാരമായ 'പാത്തുമാധവ്'കഥാകൃത്ത് പി കെ പാറക്കടവ് എഴുത്തുകാരന്‍ എ.പി കുഞ്ഞാമുമുവിന് നല്‍കിക്കൊണ്ട് പ്രകാശനം ചെയ്തു. പ്രഭാഷകന്‍ ഡോ.അബ്ദുല്‍ ഹക്കീം പുസ്തകത്തെ സദസ്സിന് പരിചയപ്പെടുത്തി. തരുവണ ഗെയിംസിറ്റി ടര്‍ഫില്‍ വെച്ച് നടന്ന പ്രകാശന ചടങ്ങില്‍ വെള്ളമുണ്ട ഗ്രാമ പഞ്ചായത് പ്രസിഡണ്ട് സുധി രാധാകൃഷ്ണന്‍ അദ്ധ്യക്ഷത വഹിച്ചു.ലൈബ്രറി കൗണ്‍സില്‍ ജില്ലാ സെക്രട്ടറി പി കെ സുധീര്‍ മുഖ്യപ്രഭാഷണം നടത്തി.
ചടങ്ങിനോടനുബന്ധിച്ച് സ്‌കൂള്‍ വിദ്യാര്‍ത്ഥികള്‍ക്കായി നടത്തിയ കഥ,കവിതാ രചനാ മത്സരങ്ങളിലെ വിജയികള്‍ക്ക് ചടങ്ങില്‍ വെച്ച് സമ്മാനങ്ങള്‍ വിതരണം ചെയ്തു.ജുനൈദ് കൈപ്പാണി,ഡോ. അസീസ് തരുവണ,നൗഷാദ് പാപ്പിയോണ്‍,സീനത്ത് വൈശ്യന്‍,മേരിസ്മിത ടി ജെ,വി പി എല്‍ദോ,നൗഷാദ് എ, ജമാല്‍ എ കെ തുടങ്ങിയവര്‍ പ്രസംഗിച്ചു.ചടങ്ങിന് മുന്നോടിയായി നടത്തിയ കവിയരങ്ങലും സാഹിത്യ ചര്‍ച്ചയിലും സാദിര്‍ തലപ്പുഴ ,ബാവ പാലുകുന്ന് തുടങ്ങിയ ജില്ലയിലെ പ്രമുഖ എഴുത്തുകാര്‍ പങ്കെടുത്തു. തരുവണക്കഥകള്‍ എന്ന പേരില്‍ രചിച്ച ചെറുകഥാ സമാഹാരമാണ് ഗ്രന്ഥകാരന്റെ ആദ്യ പുസ്തകം.
