തോല്പ്പെട്ടി എക്സൈസ് ചെക് പോസ്റ്റില് ഇന്ന് വൈകുന്നേരം നടന്ന പരിശോധനയിലാണ് 90 ഗ്രാം ബ്രൗണ്ഷുഗറുമായി അഞ്ചംഗ സംഘം പിടിയിലായത്. വിപണിയില് അഞ്ച് ലക്ഷത്തോളം വിലയുള്ള ലഹരിമരുന്നാണിത്. മാനന്തവാടി എക്സൈസ് സര്ക്കിള് ഇന്സ്പെക്ടര് ടി. അനില് കുമാറിന്റെ നേതൃത്വത്തില് നടത്തിയ പരിശോധനയിലാണ് ടവേരയില് കടത്തുകയായിരുന്ന ബ്രൗണ് ഷുഗര് പിടികൂടിയത്. സംഭവത്തിലെ പ്രതികളായ കോഴിക്കോട് മാങ്കാവ് സ്വദേശി കെ. മന്സൂര് (41), നല്ലളം സ്വദേശി പ്രണവ് (22), കോട്ടപ്പറമ്പ് സ്വദേശി സാജിദ് (23) , വെള്ളയില് സ്വദേശി നാഷ് ഫ്രാന്സിസ് (31) , ഒളവണ്ണ സ്വദേശി ജിഷ്ണു എ (22) എന്നിവരാണ് അറസ്റ്റിലായത്. ഇവര് സഞ്ചരിച്ചിരുന്ന കെ.എല് 56 ജെ 23 ടവേര കാറും കസ്റ്റഡിയിലെടുത്തിട്ടുണ്ട്. എക്സൈസ് അസി.ഇന്സ്സെക്ടര് എം.എം കൃഷ്ണന്കുട്ടി , പ്രിവന്റീവ് ഓഫീസര്മാരായ കെ ബാലകൃഷ്ണന്, ബാബു മൃദുല്, സിഇഒ മാരായ അജേഷ്, വിജയന്, ജോഫിന് ജോണ്, രജീഷ് ആര് എന്നിവരും പരിശോധന സംഘത്തി ലുണ്ടായിരുന്നു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്