യു.എ.ഇ ലെ ഹൗസ്‌മെയ്ഡുകള്‍ക്ക് വയനാട്ടുകാരന്റെ ഓണ സമ്മാനം
യു.എ.ഇ:വീട്ടുജോലിക്കാരി ആയതുകൊണ്ട്മാത്രം പ്രവാസ ലോകത്തിന്റെ അകത്തളങ്ങളില്‍ ആഘോഷങ്ങള്‍ നിഷേധിക്കപെട്ട് കഴിഞ്ഞിരുന്ന വനിതകള്‍ക്കായി യു.എ.ഇ ലെ സാമൂഹിക പ്രവര്‍ത്തകനും വയനാട് പ്രവാസി വെല്‍ഫെയര്‍ അസോസിയേഷന്‍ ചെയര്‍മാനുമായ നവാസ് മാനന്തവാടി ഓണാഘോഷം സംഘടിപ്പിച്ചു. ചടങ്ങില്‍ 24 ന്യൂസ് ചീഫ് എഡിറ്റര്‍ സമീര്‍ കല്ലറയും ഭാര്യ ഷാക്കിറ യും ചേര്‍ന്ന് കൂട്ടായ്മയുടെ ലോഗോ പ്രകാശനം നടത്തി.കൂട്ടായ്മയിലെ അംഗങ്ങളുടെ വിവിധ കലാപരിപാടികള്‍ അരങ്ങേറിയ ചടങ്ങില്‍ സോഷ്യല്‍ മീഡിയ താരങ്ങളായ ഷാന്‍ മുഹമ്മദ്, ഷിബിലി, അനസ്, അഷ്‌റഫ് ആബിദ്, അഫ്സല്‍, റിയാലിറ്റി ഷോ താരവും ആല്‍ബം പിന്നണി ഗായകരുമായ ഷാജി, വിമല്‍, കോമഡി ഉത്സവം കണ്ടസ്റ്റന്റായ മിമിക്രി താരം അന്‍ഷാദ്, ഷാഫി, എന്നിവര്‍ മുഖ്യതിഥികള്‍ ആയിരുന്നു.
ചടങ്ങില്‍ പങ്കെടുത്ത എല്ലാവര്‍ക്കും വയനാട് പ്രവാസി വെല്‍ഫെയര്‍ അസോസിയേഷനും അഹല്യ ഹോസ്പിറ്റല്‍ ഗ്രൂപ്പും സംയുക്തമായി മെഡിക്കല്‍ പ്രിവിലേജ് കാര്‍ഡും വിതരണം ചെയ്തു. അംഗങ്ങളുടെ ജീവിതാനുഭവങ്ങള്‍ പാരസ്പരം പങ്കുവെച്ചത് ചടങ്ങില്‍ നൊമ്പരമുണര്‍ത്തി. പ്രയാസങ്ങളും ഒറ്റപ്പെടലും നിറഞ്ഞ പ്രവാസ ജീവിതത്തില്‍ ഈ ഓണാഘോഷം വേറിട്ട അനുഭവമായി എന്ന് പങ്കെടുത്തവര്‍ അഭിപ്രായപ്പെട്ടു..
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍