ശുദ്ധമായ പാലുല്പാദന പരിശീലനം
കോഴിക്കോട് ബേപ്പൂര് നടുവട്ടത്തുള്ള കേരള സര്ക്കാര് ക്ഷീര പരിശീലന കേന്ദ്രത്തില് മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലുള്ള ക്ഷീര കര്ഷകര്ക്ക് പാലിന്റെ ഗുണനിലവാരം, മെച്ചപ്പെട്ട പാല്വില ലഭ്യമാക്കല്, ശാസ്ത്രീയ കറവരീതി, അനുബന്ധനിയമങ്ങള് തുടങ്ങിയ വിഷയങ്ങളില് ആഗസ്റ്റ് 10, 11 തീയതികളില് പരിശീലനം നല്കുന്നു. താല്പര്യമുളളവര് ആഗസ്റ്റ് 10ന് രാവിലെ 10 മണിക്ക് മുമ്പായി, ഫോട്ടോ പതിച്ച തിരിച്ചറിയല് കാര്ഡിന്റെ പകര്പ്പു സഹിതം കോഴിക്കോട് ക്ഷീര പരിശീലന കേന്ദ്രത്തില് എത്തണം. കൂടുതല് വിവരങ്ങള്ക്ക് 0495 2414579 എന്ന ഫോണ് നമ്പറിലോ ബ്ലോക്ക് തലത്തിലുള്ള ക്ഷീര വികസന സര്വ്വീസ് യൂണിറ്റുമായോ ബന്ധപ്പെടാം.
