മൊബൈല് നമ്പര് അപ്ഡേറ്റ് ചെയ്തില്ലെങ്കില് ഡ്രൈവിംഗ് ലൈസന്സ് റദ്ദാകുമെന്ന പ്രചാരണം വ്യാജം
തിരുവനന്തപുരം: ഡ്രൈവിംഗ് ലൈസന്സില് മൊബൈല് നമ്പര് അപ്ഡേറ്റ് ചെയ്തില്ലെങ്കില് ലൈസന്സ് റദ്ദാകുമെന്ന തരത്തില് സോഷ്യല് മീഡിയയില് പ്രചരിക്കുന്ന വാര്ത്തകള് വ്യാജമാണെന്ന് മോട്ടോര് വാഹന വകുപ്പ് അറിയിച്ചു.2026 സെപ്റ്റംബര് 25 മുതല് മോട്ടോര് ഡ്രൈവിംഗ് ലൈസന്സിലെ മൊബൈല് നമ്പര് അപ്ഡേറ്റ് ചെയ്തില്ലെങ്കില് ലൈസന്സ് റദ്ദാക്കും എന്ന തരത്തിലാണ് സമൂഹമാധ്യമങ്ങളില് പ്രചാരണം നടക്കുന്നത്. എന്നാല് ഇത്തരത്തിലുള്ള പ്രചാരണങ്ങള്ക്ക് യാതൊരു അടിസ്ഥാനവുമില്ലെന്ന് മോട്ടോര് വാഹന വകുപ്പ് വ്യക്തമാക്കി. വാഹന സംബന്ധമായ വിവിധ സേവനങ്ങള് സുഗമമായി ലഭിക്കുന്നതിനായി മോട്ടോര് െ്രെഡവിംഗ് ലൈസന്സില് മൊബൈല് നമ്പര് ലിങ്ക് ചെയ്തിട്ടുണ്ടോയെന്ന് പരിശോധിക്കുന്നത് ഉചിതമാണ്. മൊബൈല് നമ്പര് അപ്ഡേറ്റ് ചെയ്യുന്നതിനായി sarathi.parivahan.gov.in എന്ന പോര്ട്ടലില് പ്രവേശിച്ച് 'Others' ? 'Update Mobile Number' എന്ന ഓപ്ഷന് വഴി ആവശ്യമായ വിവരങ്ങള് നല്കാം.ഇത് സംബന്ധിച്ച് സംശയമുള്ളവര് ഔദ്യോഗിക വിവരങ്ങള്ക്കായി മോട്ടോര് വാഹന വകുപ്പിന്റെ ഔദ്യോഗിക സോഷ്യല് മീഡിയ പേജുകളിലെ അറിയിപ്പുകള് മാത്രം ആശ്രയിക്കണമെന്നും വകുപ്പ് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്