മാനന്തവാടി പ്രസ്സ് ക്ലബ്ബ് മാധ്യമ അവാര്ഡുകള്ക്ക് എന്ട്രികള് ക്ഷണിച്ചു
മാനന്തവാടി: സംസ്ഥാനത്തെ മികച്ച പ്രാദേശിക മാധ്യമ പ്രവര്ത്തകര്ക്കായി മാനന്തവാടി പ്രസ്സ്് ക്ലബിന്റെ 2021 ലെ അവാര്ഡുകള്ക്ക് എന്ട്രികള് ക്ഷണിച്ചു. മലയാളം പത്രങ്ങളിലെയും ടെലിവിഷനിലെയും ഗോത്രവിഭാഗവുമായി ബന്ധപ്പെട്ട മികച്ച അന്വേഷണാത്മക വാര്ത്തകള്ക്കാണ് 10,001 രൂപയും പ്രശസ്തിപത്രവും ഉള്പ്പെടുന്ന അവാര്ഡ് നല്കുന്നത്.2021 ആഗസ്ത് 1മുതല് 2022 ജൂലൈ 31 വരെ പ്രസിദ്ധീകരിച്ച വാര്ത്തയാണ് പരിഗണിക്കുന്നത്. എന്ട്രികള് ആഗസ്ത് 25 നകം ലഭിച്ചിരിക്കണം. എന്ട്രികള് അച്ചടിമാധ്യമങ്ങളിലെ വാര്ത്തകള് pressclubmndy@gmail.com എന്ന ഇമെയില് വിലാസത്തിലും ടെലിവിഷന് വാര്ത്തകള് 7561889689,9447373637 എന്നവയിലേതെങ്കിലും നമ്പറിലെ ടെലിഗ്രാം ആപ്പിലും ആഗസ്ത് 25 ന് മുമ്പായി ലഭിക്കണം.
മേല് തിയ്യതിക്കുള്ളില് പ്രസ്ക്ലബ്ബ് ഓഫീസില് നേരിട്ടും എത്തിക്കാവുന്നതാണ്.കവറിന് പുറത്ത് ഏത് അവാര്ഡിനുള്ള എന്ട്രിയാണെന്നും വ്യക്തമാക്കണം. യോഗ്യമായ എന്ട്രികള് ഇല്ലെങ്കില് അവാര്ഡ് നല്കാതിരിക്കാനും ജൂറിക്ക് അധികാരമുണ്ടായിരിക്കുമെന്ന് അവാര്ഡ് കമ്മിറ്റി ഭാരവാഹികളായ കെ.എസ്.സജയന് അശോകന് ഒഴക്കോടി, കെ.എം.ഷിനോജ് എന്നിവര് വാര്ത്താ സമ്മേളനത്തില് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്