സംസ്ഥാനത്ത് കൂടുതല് നിയന്ത്രണമില്ല; സ്കൂളുകള് അടയ്ക്കില്ല, രാത്രി കര്ഫ്യൂ വേണ്ടെന്നും തീരുമാനം
കൊവിഡ് സാഹചര്യത്തില് സംസ്ഥാനത്തെ സ്കൂളുകള് അടയ്ക്കില്ല. മുഖ്യമന്ത്രിയുടെ അധ്യക്ഷതയില് ചേര്ന്ന അവലോകന യോഗത്തിലാണ് തീരുമാനം. വാരാന്ത്യ , രാത്രികാല കര്ഫ്യൂവും തത്ക്കാലം ഇല്ല. പൊതു സ്വകാര്യ പരിപാടികളില് ആള്ക്കൂട്ട നിയന്ത്രണം കര്ശനമാക്കാന് യോഗം തീരുമാനിച്ചു. കൊവിഡ് വ്യാപനത്തിന്റെ തോത് വിലയിരുത്തി കൂടുതല് നിയന്ത്രണങ്ങള് സംബന്ധിച്ച് അടുത്ത യോഗത്തില് തീരുമാനമെടുക്കും.
വാക്സിനേഷന് ഊര്ജിതമാക്കും. മൂന്നാം തരംഗത്തിന് മുന്നോടിയായി ആരോഗ്യ സംവിധാനങ്ങള് സജമാക്കാന് ആരോഗ്യ വകുപ്പിന് നിര്ദേശം നല്കും. അന്താരാഷ്ട്ര യാത്രക്കാരുടെ നിര്ബന്ധിത ക്വാറന്റൈനും നിരീക്ഷണവും ശക്തമാക്കും. പരിശോധനകള് വ്യാപിപ്പിക്കാനും യോഗത്തില് തീരുമാനം.
അതേസമയം സംസ്ഥാനത്തെ ആരോഗ്യ പ്രവര്ത്തകര്, മുന് നിര പോരാളികള്,60 കഴിഞ്ഞ ഗുരുതര രോഗങ്ങളുള്ളവര് എന്നിവര്ക്ക് കരുതല് ഡോസ് വിതരണം ആരംഭിച്ചു. 5.55 ലക്ഷം ആരോഗ്യ പ്രവര്ത്തകര്, 5.71 ലക്ഷം കൊവിഡ് മുന്നണി പോരാളികള് എന്നിവരാണുള്ളത്. രണ്ടാം ഡോസ് വാക്സിന് എടുത്തുകഴിഞ്ഞ് 9 മാസം കഴിഞ്ഞവര്ക്കാണ് കരുതല് ഡോസ് എടുക്കാന് സാധിക്കുക.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്