രാത്രിയും പകലും വാഹന പരിശോധന; ജാഥയ്ക്കും ഉച്ചഭാഷിണിക്കും നിയന്ത്രണം; സംസ്ഥാനത്ത് കര്ശന നിയന്ത്രണവുമായി പൊലീസ്
ആലപ്പുഴയില് കഴിഞ്ഞ ദിവസമുണ്ടായ അനിഷ്ടസംഭവങ്ങളുടെ പശ്ചാത്തലത്തില് സംസ്ഥാനത്താകെ മുന്കരുതലുകള് സ്വീകരിക്കാന് സംസ്ഥാന പോലീസ് മേധാവി അനില്കാന്ത് നിര്ദ്ദേശം നല്കി. സംസ്ഥാനത്ത് മൂന്ന് ദിവസത്തേക്ക് കര്ശന പരിശോധനക്ക് നിര്ദേശം നല്കി. ഡി.ജി.പിയാണ് ജില്ലാ പൊലീസ് മേധാവിമാര്ക്ക് ഇത് സംബന്ധിച്ച നിര്ദ്ദേശം നല്കിയത്.സംസ്ഥാനത്ത് രാത്രിയും പകലും വാഹനപരിശോധന കര്ശനമാക്കും. പ്രശ്നസാധ്യതയുളള സ്ഥലങ്ങളില് ആവശ്യമായ പൊലീസ് പിക്കറ്റ് ഏര്പ്പെടുത്തും. വാറന്റ് നിലവിലുളള സാമൂഹ്യവിരുദ്ധരെ പിടികൂടാന് പ്രത്യേക പദ്ധതി നടപ്പിലാക്കും. ക്രിമിനലുകളുടെ പട്ടിക തയ്യാറാക്കുകയും കൃത്യമായ പരിശോധന നടത്തുകയും ചെയ്യും.അടുത്ത മൂന്ന് ദിവസത്തേക്ക് സംസ്ഥാനത്ത് ജാഥ നടത്തുന്നതിനും ഉച്ചഭാഷിണി ഉപയോഗിക്കുന്നതിനും നിയന്ത്രണം ഏര്പ്പെടുത്തും. സ്ഥിതിഗതികള് വിലയിരുത്തുന്നതിന് മുതിര്ന്ന ഉദ്യോഗസ്ഥര് 24 മണിക്കൂറും അവരവരുടെ ആസ്ഥാനത്ത് ഉണ്ടായിരിക്കണമെന്നും സംസ്ഥാന പോലീസ് മേധാവി നിര്ദ്ദേശിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്