കെ.എസ്.ആര്.ടി.സി ശമ്പള വിതരണം നാളെ മുതല്
കെ.എസ്.ആര്.ടി.സി ശമ്പള വിതരണം തിങ്കളാഴ്ച (ഡിസംബര് 20) മുതല് ആരംഭിക്കുമെന്ന് സി.എം.ഡി അറിയിച്ചു. ജീവനക്കാരുടെ ബഹിഷ്കരണ സമരം മൂലം പ്രതിദിന വരുമാനത്തില് മൂന്നരക്കോടി രൂപയുടെ നഷ്ട്ടം സംഭവിച്ചു. കൊവിഡിന് ശേഷമുള്ള റെക്കോര്ഡ് വരുമാനമായിരുന്നു (5.79 കോടി രൂപ) കഴിഞ്ഞ തിങ്കളാഴ്ച കെ.എസ്.ആര്.ടി.സിക്ക് ലഭിച്ചതെന്നും സി.എം.ഡി അറിയിച്ചു.വെള്ളിയാഴ്ചയും നല്ല വരുമാനം ലഭിക്കേണ്ടതായിരുന്നു. എന്നാല് അത് 4.83 കോടിയായി കുറഞ്ഞു. ഈ സാഹചര്യത്തില് ഡ്യൂട്ടി ബഹിഷ്കരണം നടത്തിയാല് സാമ്പത്തിക പ്രതിസന്ധി കൂടുതല് രൂക്ഷമാക്കും. ക്രിസ്മസ് അവധി ഉള്പ്പെടെ പരി?ഗണിച്ച് യാത്രക്കാര് കെ.എസ്.ആര്.ടി.സിയെ ആശ്രയിക്കുന്നതിനാല് ജീവനക്കാര് ജോലി ബഹിഷ്കരിച്ച് സര്വീസ് മുടക്കരുതെന്നും സി.എം.ഡി അഭ്യര്ത്ഥിച്ചു.
ഇത്തരം ബഹിഷ്കരണം കാരണം സര്വീസ് മുടങ്ങുന്നത് കൊണ്ട് കെ.എസ്.ആര്.ടി.സിയെ ജനങ്ങളില് നിന്നും അകറ്റുന്നു. തിങ്കളാഴ്ച ശമ്പളം വിതരണം ചെയ്യുമെന്നുള്ള ഉറപ്പില് നിലവില് ഡ്യൂട്ടി ബഹിഷ്കരിക്കുന്ന സംഘടനകള് അതില് നിന്നും പിന്മാറണമെന്നും സി.എം.ഡി അഭ്യര്ത്ഥിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്