ഫുട്ബോള് ടര്ഫിന്റെ പ്രവര്ത്തനം രാത്രി 10 മണി വരെ: വയനാട് ജില്ലാ പോലീസ് മേധാവി.
കല്പ്പറ്റ: വയനാട് ജില്ലയില് കായിക വിനോദത്തിനായി പ്രവര്ത്തിക്കുന്ന ഫുട്ബോള് ടര്ഫുകള് രാത്രി 10 മണി വരെ മാത്രമെ പ്രവത്തിക്കാവൂ എന്ന് ജില്ലാ പോലീസ് മേധാവി ഡോ.അര്വിന്ദ് സുകുമാര് ഐ.പി.എസ് അറിയിച്ചു. സ്കൂള്കോളേജ് വിദ്യാര്ത്ഥികള് ടര്ഫിലേക്ക് കളിക്കാന് പോകുകയാണെന്ന് പറഞ്ഞ് വീട്ടില് നിന്നും ഇറങ്ങി അസമയത്തും വീട്ടിലേക്ക് തിരിച്ച് പോകാതെ ടൗണുകളില് കറങ്ങി നടക്കുന്നതായിശ്രദ്ധയില്പ്പെട്ടിട്ടുണ്ട്. കുട്ടികള് അസമയത്തും ടൗണില് കറങ്ങി നടക്കുന്നതുവഴി സംഘടിത കുറ്റക്യത്യങ്ങളില് ഏര്പ്പെടാനും, സാമൂഹ്യവിരുദ്ധരുമായി ബന്ധപ്പെട്ട് വിവിധ ലഹരി വസ്തുക്കള് ഉപയോഗിക്കാനും, സാമൂഹ്യവിരുദ്ധ പ്രവര്ത്തനങ്ങളില് ഏര്പ്പെടാനും സാധ്യതയുണ്ട്. ആയതിനാല് ജില്ലയിലെ ഫുട്ബോള് ടര്ഫുകള് രാത്രി 10 മണിക്ക് ശേഷം പ്രവര്ത്തിക്കാന് അനുവദിക്കുകയില്ലെന്ന് അദ്ദേഹം പറഞ്ഞു.
ഫുട്ബോള് ടര്ഫ് നടത്തിപ്പുക്കാര് ഈ കാര്യം പ്രത്യേകംശ്രദ്ധിക്കേണ്ടതാണ്. നിര്ദേശങ്ങള് ലംഘിക്കുന്ന ഫുട്ബോള് ടര്ഫ്നടത്തിപ്പുക്കാര്ക്കെതിരെ കര്ശന നിയമ നടപടി സ്വീകരിക്കുമെന്നും ജില്ലാപോലീസ് മേധാവി അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്