ഇന്ത്യന് ടീമില് ആശങ്ക: ഹര്ദ്ദിക് പാണ്ഡ്യക്ക് പരുക്ക്
ടി20 ലോകകപ്പിലെ ആദ്യ മത്സരത്തില് പാകിസ്ഥാനെതിരെ പരാജയപ്പെട്ടത്തിന് പിന്നാലെ ഇന്ത്യന് ക്യാമ്പിന് വീണ്ടും ആശങ്ക. ഇന്ത്യയുടെ ബാറ്റര് ഹര്ദ്ദിക് പാണ്ഡ്യക്ക് പരുക്ക്. ബാറ്റിംഗിനിടെ ഹര്ദ്ദിക്കിന്റെ തോളിന് ആണ് പരുക്കേറ്റു. ഹര്ദ്ദിക് ഫീല്ഡിന് കളത്തിലിറങ്ങിയിരുന്നില്ല. പകരം ഇഷാന് കിഷനാണ് ഇന്ത്യക്കായി ഫീല്ഡ് ചെയ്തത്. ഹര്ദ്ദിക്കിന്റെ പരുക്കിന്റെ വ്യാപ്തി മനസ്സിലാകാന് സ്കാന് ഫലങ്ങള്ക്ക് ആയി കാത്തിരിക്കുകയാണ് ടീം. ഷഹീന് അഫ്രീദിയുടെ ഷോര്ട്ട് ബോളില് ബാറ്റ് ചെയ്യവെയാണ് ഹര്ദ്ദിക് പാണ്ഡ്യക്ക് തോളിനു പരുക്കേറ്റത്. ഇനി ഒക്ടോബര് 31ന് ന്യൂസിലന്ഡിന് എതിരെ ആണ് ഇന്ത്യയുടെ മത്സരം. ഹര്ദ്ദിക് അന്ന് കളിക്കുമോ ഇല്ലയോ എന്ന് ടീം ഇതുവരെ വ്യക്തമാക്കിയിട്ടില്ല.
നേരത്തെ, തോളിനേറ്റ പരുക്കിനെ തുടര്ന്ന് ഹര്ദ്ദിക് ദീര്ഘകാലം ടീമിന് പുറത്തായിരുന്നു. പിന്നീട് ശസ്ത്രക്രിയയ്ക്ക് വിധേയമാവുകയും പരുക്ക് ഭേദമാവുകയും ചെയ്തതോടെയാണ് താരം മടങ്ങിയെത്തിയത്. എന്നാലും താരത്തിന്റെ ഫിറ്റ്നസിനെ സംബന്ധിച്ച് വലിയ ചര്ച്ചകള് നടന്നിരുന്നു. പ്രത്യേകിച്ചും ലോകകപ്പിനുള്ള 15 അംഗ ടീമില് താരത്തിനും ബിസിസിഐ ഇടം നല്കിയപ്പോള്. പരുക്ക് ഭേദമായെത്തിയതിന് ശേഷം ഓള് റൗണ്ടറായ താരം മത്സരങ്ങളില് പന്തെറിഞ്ഞിരുന്നില്ല.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്