വീട് കുത്തിത്തുറന്ന് പണവും സ്വര്ണ്ണവും മോഷ്ടിച്ചു
കണിയാരം: മാനന്തവാടി കണിയാരം കുറ്റിമൂലയില് വീട് കുത്തിത്തുറന്ന് പണവും സ്വര്ണ്ണവും മോഷ്ടിച്ചു. കുന്നത്ത് സുബ്രഹ്മണ്യന്റെ വീട്ടിലാണ് മോഷണം നടന്നത്. ചൊവ്വാഴ്ച ഉച്ചയ്ക്കു ശേഷമാണ് മോഷണം ഉണ്ടായത്. എരുമത്തെരുവില് ഹോട്ടല് നടത്തുന്ന സുബ്രഹ്മണ്യന് രാത്രി എട്ടുമണിയോടെ വീട്ടില് എത്തിയപ്പോഴാണ് മോഷണവിവരം അറിയുന്നത്. അമ്പതിനായിരത്തോളം രൂപയും ആറു പവന് സ്വര്ണ്ണവും മോഷണം പോയതായാണ് പരാതി. വീട്ടില് തന്നെയുണ്ടായിരുന്ന തൂമ്പ, കമ്പിപ്പാര എന്നിവ ഉപയോഗിച്ചാണ് വീട് കുത്തിത്തുറന്നത്. അടുക്കള ഭാഗത്തെ വാതില് പൊളിച്ചാണ് മോഷ്ടാക്കള് അകത്തു കയറിയത്. മാനന്തവാടി എസ്.ഐ. ബിജു ആന്റണിയുടെ നേതൃത്വത്തില് പോലീസ് സ്ഥലത്തെത്തി. വിരലടയാള വിദഗ്ധര്, ഫോറന്സിക് വിദഗ്ധര്, ഡോഗ് സ്ക്വാഡ് എന്നിവയും സ്ഥലത്തെത്തി പരിശോധന നടത്തി. മാനന്തവാടി പോലീസ് കേസെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്