ഡെല്റ്റ വകഭേദത്തിനെതിരെ കൊവാക്സിന് ഫലപ്രദം; യുഎസ് ഗവേഷണ സ്ഥാപനം
ഡല്ഹി: കൊവിഡ് ഡെല്റ്റ വകഭേദത്തിനെതിരെ കൊവിഡ് വാക്സിന് ഫലപ്രദമെന്ന് അമേരിക്കയിലെ ഗവേഷണ സ്ഥാപനമായ നാഷണല് ഇന്സ്റ്റിറ്റിയൂട്ട് ഓഫ് ഹെല്ത്ത്. ആല്ഫ, ഡേറ്റ വേരിയന്റുകളില് കൊവാക്സിന് ഫലപ്രദമാണെന്ന് എന്ഐഎച്ച് നടത്തിയ പഠനങ്ങളില് പറയുന്നു.രണ്ട് തരത്തിലുള്ള പഠനങ്ങളാണ് കൊവാക്സിനുമായി ബന്ധപ്പെട്ട് എന്ഐഎച്ച് നടത്തിയത്. കൊവാക്സിന് സ്വീകരിച്ചവരുടെ രക്തമെടുത്തായിരുന്നു പഠനം. വാക്സിന് ഉത്പാദിപ്പിക്കുന്ന ആന്റിബോഡികള് ആല്ഫ, ഡേറ്റ വകഭേദങ്ങള്ക്കെതിരെ ഫലപ്രദമാണെന്ന് ഈ പഠനങ്ങളില് തെളിഞ്ഞു. വാര്ത്താകുറിപ്പിലൂടെയാണ് എന്ഐഎച്ച് പഠനവിവരം പുറത്തുവിട്ടത്.അതേസമയം, രാജ്യത്ത് കൊവിഡ് കേസുകള് കുറയുകയാണ്. കഴിഞ്ഞ 24 മണിക്കൂറിനിടെ 45,951 പേര്ക്കാണ് കൊവിഡ് സ്ഥിരീകരിച്ചത്. 817 പേര് ഇന്നലെ മരണപ്പെട്ടു. ഏപ്രില് 11നു ശേഷം രാജ്യത്ത് രേഖപ്പെടുത്തുന്ന ഏറ്റവും കുറഞ്ഞ മരണക്കണക്കാണ് ഇത്. ഇതോടെ ആകെ മരണനിരക്ക് 3,98,454 ആയി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്