കര്‍ഷക ദ്രോഹ വിജ്ഞാപനം പിന്‍വലിക്കണം: യൂത്ത് കോണ്‍ഗ്രസ്
ബത്തേരി: വയനാട് വന്യജീവി സങ്കേതത്തിനു ചുറ്റും 3.5 കിലോമീറ്റര്‍ വായു പരിധി പരിസ്ഥിതി ദുര്‍ബല പ്രദേശമായി വിജ്ഞാപനം ചെയ്യാനുള്ള തീരുമാനം ഇവിടുത്തെ കര്‍ഷകരോടുള്ള വെല്ലുവിളിയാണെന്ന് യൂത്ത് കോണ്‍ഗ്രസ് ബത്തേരി നിയോജക മണ്ഡലം കമ്മിറ്റി കുറ്റപ്പെടുത്തി. രാത്രിയാത്രാ നിരോധനം മൂലം നടുവൊടിഞ്ഞ ബത്തേരിയിലെ കച്ചവടക്കാര്‍ക്കും ഈ തീരുമാനം ദോഷകരമാണ്. സംസ്ഥാന സര്‍ക്കാര്‍ അടിയന്തിരമായി വിഷയത്തില്‍ ഇടപെട്ട് ജനങ്ങളുടെ ആശങ്ക പരിഹരിക്കണം. വിഞ്ജാപനം പിന്‍വലിക്കാന്‍ കേന്ദ്ര സര്‍ക്കാര്‍ തയ്യാറായില്ലെങ്കില്‍ പൊതുജനങ്ങളെ പങ്കെടുപ്പിച്ച് ശക്തമായ സമര പരിപാടികള്‍ക്ക് യൂത്ത് കോണ്‍ഗ്രസ് നേതൃത്വം നല്‍കുമെന്ന് നിയോജക മണ്ഡലം പ്രസിഡന്റ് സിറിള്‍ ജോസ് പറഞ്ഞു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍