20 ലിറ്റര് ചാരായവും, 250 ലിറ്റര് വാഷും , വാറ്റുപകരണങ്ങളും പിടികൂടി.
ബത്തേരി: ബത്തേരി എക്സൈസ് റെയിഞ്ചിലെ പ്രിവന്റീവ് ഓഫീസര് കെ.ജി ശശികുമാറും സംഘവും ക്രിസ്തുമസ് ന്യൂയര് സ്പെഷ്യല് ഡ്രൈവിന്റെ ഭാഗമായി നടത്തിയ പരിശോധനയില് ബത്തേരി പാട്ടവയല് റോഡില് മൂക്കുത്തികുന്ന് പുഴയരികില് നിന്നും മൂന്ന് കന്നാസുകളിലായി 20 ലിറ്റര് ചാരായവും, 250 ലിറ്റര് വാഷും , ഗ്യാസ് കുറ്റിയും, അടുപ്പും വാറ്റുപകരണങ്ങളും പിടികൂടി. വാറ്റിക്കൊണ്ടിരിക്കെ എക്സൈസ് സംഘത്തെ കണ്ട് പ്രതികള് ഓടി രക്ഷപ്പെട്ടു. പ്രതികളില് ഒരാളായ മൂടന്കുനി കോളനിയിലെ പ്രശാന്ത് എന്നയാളെ തിരിച്ചറിഞ്ഞിട്ടുണ്ട്. ഇയാളുടെ പേരില് കേസ് രജിസ്റ്റര് ചെയ്തതായും മറ്റു പ്രതികള്ക്കായി അന്വേഷണം നടത്തിക്കൊണ്ടിരിക്കുകയാണെന്നും എക്സൈസ് അധികൃതര് പറഞ്ഞു.എക്സൈസ് പ്രിവന്റീവ് ഓഫീസര് പി,ഷാജി, സി ഇ ഒ മാരായ അനില് കുമാര്, അനീഷ് എ എസ്, വിഷ്ണു കെ.കെ, അമല് തോമസ്, ഡ്രൈവര് അന്വര് സാദത്ത് എന്നിവര് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്