തൊടുവെട്ടി ഡിവിഷനില്‍ റീപോളിംഗ് നാളെ
ബത്തേരി: തദ്ദേശ സ്വയംഭരണ സ്ഥാപന തിരഞ്ഞെടുപ്പുമായി ബന്ധപ്പെട്ട് സുല്‍ത്താന്‍ ബത്തേരി നഗരസഭയിലെ 19 തൊടുവെട്ടി ഡിവിഷനില്‍ നാളെ (ഡിസംബര്‍ 18) രാവിലെ 7 മുതല്‍ വൈകീട്ട് 6 വരെ റീപോളിംഗ് നടക്കും. വോട്ടിംഗ് യന്ത്രത്തിന് തകരാര്‍ സംഭവിച്ച സാഹചര്യത്തിലാണ് റീ പോളിംഗ്. വോട്ടെണ്ണല്‍ നാളെ(ഡിസംബര്‍ 18) രാത്രി 8 ന് നടക്കും.ഡിസംബര്‍ 1 മുതല്‍ ഡിസംബര്‍ 9 ന് 4 മണി വരെ കോവിഡ് പോസിറ്റീവായവര്‍ക്കും ക്വാറന്റീനിലായവര്‍ക്കും സ്‌പെഷല്‍ പോസ്റ്റല്‍ ബാലറ്റ് വഴി വോട്ട് ചെയ്യാന്‍ അവസരം ലഭിച്ചതിനാല്‍ ഇന്ന് പോളിംഗ് സ്‌റ്റേഷനില്‍ പോയി വോട്ട് ചെയ്യരുത്. ഡിസംബര്‍ 9 ന് 4 മണിക്കു ശേഷം കോവിഡ് പോസിറ്റീവായവരോ ക്വാറന്റീനിലുള്ളവരോ 5 മണിക്കു ശേഷം പോളിംഗ് സ്‌റ്റേഷനില്‍ പോയി വോട്ട് ചെയ്യാം. വോട്ട് ചെയ്യാന്‍ പോകുന്നവര്‍ നിര്‍ബന്ധമായും കോവിഡ് 19 മായി ബന്ധപ്പെട്ട സുരക്ഷാ മുന്‍കരുതല്‍ സ്വീകരിക്കണം.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍