കര്‍ഷക സമരത്തിന് ഐക്യദാര്‍ഢ്യ പ്രഖ്യാപിച്ച് മുസ്ലിം യൂത്ത്‌ലീഗ്
ബത്തേരി:കുത്തകകളെ സഹായിക്കുന്നതിന് രാജ്യത്തിന്റെ കൃഷി മേഖല മാറ്റിയെഴുതുന്ന കാര്‍ഷിക ബില്‍ പിന്‍വലിക്കണമെന്ന് ആവശ്യപ്പെട്ട് രാജ്യത്തെ കര്‍ഷകര്‍ രാജ്യ തലസ്ഥാനത്ത് നടത്തുന്ന കര്‍ഷക സമരത്തിന് ഐക്യദാര്‍ഢ്യം പ്രഖ്യാപിച്ച് സുല്‍ത്താന്‍ ബത്തേരി മുസ്ലിം യൂത്ത്‌ലീഗ് നിയോജക മണ്ഡലം കമ്മിറ്റി ടൗണില്‍ പ്രകടനവും സംഗമവും നടത്തി.സംഗമം ജില്ലാ യൂത്ത്‌ലീഗ് ജനറല്‍ സെക്രട്ടറി സി കെ ഹാരിഫ് ഉദ്ഘാടനം ചെയ്തു.നിയോജക മണ്ഡലം പ്രസിഡന്റ് സമദ് കണ്ണിയന്‍ അധ്യക്ഷത വഹിച്ചു.ഇബ്രാഹിം തൈതൊടി,നിസാം കല്ലൂര്‍,ഷമീര്‍ മീനങ്ങാടി എന്നിവര്‍ സംസാരിച്ചു. പ്രകടനത്തിന് നിയോജക മണ്ഡലം ജനറല്‍ സെക്രട്ടറി സി കെ മുസ്തഫ,നൗഷാദ് മംഗലശ്ശേരി, അഷറഫ് എ കെ,ജലീല്‍ ഇ പി,ഷബീര്‍ പടിഞ്ഞാറതൊടി,റിയാസ് കൈനാട്ടി,ആരിഫ് തണലോട്ട്,റിയാസ് കല്ലുവയല്‍ എന്നിവര്‍ നേതൃത്വം നല്‍കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍