കോണ്ഗ്രസ് പ്രതിഷേധ ധര്ണ്ണ നടത്തി
പിലാക്കാവ് :പിലാക്കാവില് പ്രവര്ത്തിക്കുന്ന വെറ്ററിനറി സബ്ബ് സെന്റര് നിര്ത്തലാക്കിയ നടപടിയില് പ്രതിഷേധിച്ച് പിലാക്കാവ് കോണ്ഗ്രസ് കമ്മിറ്റിയുടെ നേതൃത്വത്തില് പിലാക്കാവ് അങ്ങാടിയില് ധര്ണ്ണ നടത്തി.കെ.പി.സി.സി സെക്രട്ടറി അഡ്വ.എന് കെ വര്ഗ്ഗീസ് ധര്ണ്ണ ഉദ്ഘാടനം ചെയ്തു.ഇരുപത് വര്ഷത്തിലേറെയായി പിലാക്കാവില് പ്രവര്ത്തിക്കുന്ന സെന്റര് ക്ഷീര കര്ഷകര്ക്ക് ഏറെ പ്രയോജനമായിരുന്നു.മാനന്തവാടി നഗരസഭയില് പാല് സംഭരിക്കുന്നതില് രണ്ടാം സ്ഥാനത്താണ് പിലാക്കാവ് പ്രദേശം , നൂറു കണക്കിന് ക്ഷീരകര്ഷകര് ഉളള പ്രദേശമാണ് പിലാക്കാവ് . മേല് പ്രദേശത്ത് നിന്ന് സെന്റര് എടുത്തുമാറ്റുന്നത് നഗരസഭ ഭരിക്കുന്ന സി പി എമ്മിന്റെ ഒത്തായോടെയാണെന്ന് എന് കെ വര്ഗ്ഗീസ് ആരോപിച്ചു. പ്രദേശത്തെ ക്ഷീര കര്ഷകരെ ദുരിതത്തിലാക്കുന്ന നിലപാടില് നിന്ന് അധികാരികള് പിറകോട്ട് പോയില്ലെങ്കില് ശക്തമായ സമരപരിപാടികളുമായി മുന്നോട്ട് പോകുമെന്നും അദ്ദേഹം പറഞ്ഞു. ഡിസിസി ജനറല് സെക്രട്ടറി പി വി ജോര്ജ്ജ് , കൗണ്സിലര്മാരായ മുജീബ് കോടിയാടന് , വി യു ജോയി , സി കൃഷ്ണന്, അബൂബക്കര് ടി എച്ച്, ലിജയന് തുടങ്ങിയവര് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്