പ്രവാസി വയനാട് ഷാര്‍ജ കൂട്ടായ്മയുടെ ഓണാഘോഷം ആഗസ്റ്റ് 31 ന്
ഷാര്‍ജ:പ്രതികൂലമായ ഈ സാഹചര്യത്തിലും സ്‌നേഹ ബന്ധങ്ങളുടെ ആഘോഷങ്ങള്‍ക്ക് ഒട്ടും കുറവുവരാതെ മലയാളിയുടെ നന്മയുടെ ആഘോഷം 'പ്രവാസി വയനാട് ഷാര്‍ജ ഓണം 2020'* ഓഗസ്റ്റ് 31 ന് ഓണ്‍ലൈന്‍ ആയി നടത്താന്‍ തീരുമാനിച്ചതായി സംഘാടകര്‍ അറിയിച്ചു. നാട്ടിലെ രാഷ്ട്രീയ സാമൂഹിക സാംസ്‌കാരിക കലാ രംഗത്തുള്ള പ്രമുഖരായ ആളുകള്‍ക്കൊപ്പം പ്രമുഖ നടന്മാരും പിന്നണിഗായകരും സിനിമ രംഗത്തെ പ്രമുഖരും അതിഥികളായി എത്തുന്ന പരിപാടിയില്‍ നിരവധി കലാപരിപാടികള്‍ നടക്കും.എം പി രാഹുല്‍ ഗാന്ധി, വയനാട്ടിലെ എംഎല്‍എമാരായ ഒ.ആര്‍ കേളു, ഐസി ബാലകൃഷ്ണന്‍, കെ ശശീന്ദ്രന്‍ തുടങ്ങിയവര്‍ ഓണ്‍ലൈനിലൂടെ ആശംസകള്‍ അര്‍പ്പിക്കും. കൂട്ടായ്മയിലുള്ള അംഗങ്ങളുടെയും കുട്ടികളുടെയും ഓണത്തോടനുബന്ധിച്ച് ഉള്ള കലാപരിപാടികളും വീഡിയോ രൂപത്തില്‍ ഓണാഘോഷത്തിന് മാറ്റേകും എന്ന് *'പ്രവാസി വയനാട് ഷാര്‍ജ ഓണം 2020'* കോഡിനേറ്റര്‍ ശിവന്‍ തലപ്പുഴ, ചെയര്‍മാന്‍ ഷിജു പാറേമറ്റത്തില്‍, കണ്‍വീനര്‍ ജോമോന്‍ വര്‍ക്കി മാനന്തവാടി, ട്രഷറര്‍ സുജീഷ്, ഷാജി വര്‍ഗീസ് മാലേരില്‍ എന്നിവര്‍ അറിയിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍