വനാതിര്ത്തിയിലെ വാറ്റു കേന്ദ്രത്തില് നിന്ന് 1000 ലിറ്റര് വാഷ് പിടികൂടി
പുല്പ്പള്ളി:കര്ണ്ണാടക അതിര്ത്തിയിലെ ചാമപ്പാറയില് ആളൊഴിഞ്ഞ വീട്ടിലെ വാറ്റു കേന്ദ്രത്തില് പോലീസ് നടത്തിയ പരിശോധനയില് 1000 ലിറ്റര് വാഷും വാറ്റുപകരണങ്ങളും പിടികൂടി.ചാരായ നിര്മ്മാണത്തിന്റെ 10 ബാരലുകളില് സുക്ഷിച്ചിരുന്ന വാഷിന് പുറമെ ഒരു ലിറ്റര് ചാരായം, പാത്രങ്ങള് എന്നിവയും പിടികൂടി. എസ് ഐ കെ.ബെന്നിയുടെ നേതൃത്വത്തിലാണ് പരിശോധന നടത്തിയത്. വാറ്റു കേന്ദ്രം നടത്തിപ്പുമായി ബന്ധമുള്ളവരെ കുറിച്ച് വിവരം ലഭിച്ചിട്ടുണ്ട്.ലോക്ക് ഡൗണ് സമയത്തും ഈ പ്രദേശത്ത് സമാനമായ കേസുകള് പോലീസും എക്സൈസും പിടികൂടിയിരുന്നു.ആള് താമസമില്ലാത്ത വീടുകള്,വനാതിര്ത്തിയിലെ കൃഷിയിടങ്ങള്, ജനവാസം കുറഞ്ഞ തോട്ടങ്ങള് എന്നിവ കേന്ദ്രികരിച്ചാണ് ചാരായ നിര്മ്മാണം നടക്കുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്