കണ്ടൈയ്ന്മെന്റ് പ്രഖ്യാപനം:സര്ക്കാര് സ്വയം വിഢിയാവരുത്: ബത്തേരി ബ്ലോക്ക് കോണ്ഗ്രസ് കമ്മറ്റി
ബത്തേരി:ടൗണിന്റെ ഒരുവശം അടച്ചിട്ട് മറുവശം തുറന്ന് കോവിഡ് വ്യാപനം നിയന്ത്രിക്കുന്ന സര്ക്കാര് സ്വയം വിഢിവേഷം കെട്ടുകയാണെന്ന് ബത്തേരി ബ്ലോക്ക് കോണ്ഗ്രസ് കമ്മറ്റി ആരോപിച്ചു.സുല്ത്താന് ബത്തേരിയിലെ കണ്ടൈയ്ന്മെന്റ് സോണ് പ്രഖ്യാപനത്തിലെ അശാസ്ത്രീയത തിരുത്താന് ഇനിയെങ്കിലും സര്ക്കാര് തയ്യാറാവണമെന്നും കോവിഡ് രോഗി സന്ദര്ശിക്കുന്ന സ്ഥലത്തിന്റെ ചുറ്റുവട്ടമാണ് കണ്ടൈയ്ന്മെന്റ് സോണാക്കേണ്ടതെന്നും കോണ്ഗ്രസ്.ഡിവിഷനുകളും വാര്ഡുകളും അടിസ്ഥാനമാക്കുന്നത് അവസാനിപ്പിച്ച് നിര്ദിഷ്ട സ്ഥലത്തിന് ചുറ്റുമുള്ള ദൂരം മാനദണ്ഡമാക്കണം. മീറ്ററുകള് മാത്രം അകലമുള്ള തൊട്ടടുത്ത ഡിവിഷനിലെ സ്ഥലം ഒഴിവാക്കി എങ്ങനെയാണ് രോഗവ്യാപനം തടയുന്നതെന്ന് ആരോഗ്യ വകുപ്പ് വ്യക്തമാക്കണം. പ്രസിഡന്റ് കെ എം വര്ഗീസ് അധ്യക്ഷത വഹിച്ചു.സക്കരിയ മണ്ണില്,റ്റിജി ചെറുതോട്ടില്,എ പി കുര്യാക്കോസ്,ഉമ്മര് കുണ്ടാട്ടില്,ശ്രീജി ജോസഫ്,ജയ മുരളി,പി ഉസ്മാന്,സി കെ ബഷീര്, ആപ്പിള് ജേക്കബ്,കെ വി ബാലന്,ജോര്ജ് കട്ടക്കയം പ്രസംഗിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്