മാനന്തവാടി ഫയര്‍ സ്റ്റേഷന് ശാപമോക്ഷം ;പുതിയ കെട്ടിടത്തിന് ഫണ്ട് അനുവദിച്ചു
മാനന്തവാടി: സ്ഥലപരിമിതി മൂലവും, വെള്ളപ്പൊക്ക ഭീഷണിമൂലവും വര്‍ഷങ്ങളായി ബുദ്ധിമുട്ടുന്ന മാനന്തവാടി ഫയര്‍സ്‌റ്റേഷന്‍ ജീവനക്കാര്‍ക്ക് ആശ്വാസമായി പുതിയ കെട്ടിട നിര്‍മ്മാണത്തിന് ഫണ്ട് അനുവദിച്ചു.മാനന്തവാടി റവന്യൂ വകുപ്പ് മിനിസിവില്‍ സ്റ്റേഷന് പുറകുവശത്ത്
അഗ്‌നിരക്ഷാ വകുപ്പിന് അനുവദിച്ച 25 3/4 സെന്റ് സ്ഥലത്ത് പുതിയ ഫയര്‍ ആന്റ് റെസ്‌ക്യൂ സ്റ്റേഷന് കെട്ടിടം നിര്‍മ്മിക്കുന്നതിനായി 3 കോടി 12 ലക്ഷം രൂപയുടെ അനുമതി ലഭിച്ചതായി മാനന്തവാടി എം എല്‍ എ ഉഷാ വിജയന്‍ അറിയിച്ചു.
മാനന്തവാടിയുടെ ഏറെക്കാലത്തെ ആവശ്യത്തിന് പരിഹാരമാകുന്ന ഈ പദ്ധതി, ജനങ്ങളുടെ സുരക്ഷാ സംവിധാനങ്ങള്‍ കൂടുതല്‍ ശക്തിപ്പെടുത്തുന്നതിനുള്ള സുപ്രധാന ചുവടുവയ്പ്പാണെന്നും അവര്‍ വ്യക്തമാക്കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍