എസ്.എഫ്.ഐ യുടെ മുട്ടുകുത്തി പ്രതിഷേധം നടത്തി
ബത്തേരി:വര്ണ്ണവെറിക്കും ജാതീയ അതിക്രമങ്ങള്ക്കുമെതിരെ സന്ദേശമുയര്ത്തി എസ്എഫ്ഐ രാജ്യവ്യാപകമായി സംഘടിപ്പിച്ച മുട്ടുകുത്തി പ്രതിഷേധത്തിന്റെ ഭാഗമായി വയനാട് ജില്ലയിലെ വിവിധ ഏരിയാ ലോക്കല് കേന്ദ്രങ്ങളില് പ്രതിഷേധം സംഘടിപ്പിച്ചു.യുഎസ്എയിലെ വംശീയ ആക്രമണത്തിനെതിരെ ലോകമെമ്പാടും ആളുകള് തെരുവിലിറങ്ങുമ്പോള് അവര്ക്ക് ഐക്യദാര്ഢ്യം പ്രക്യാപിച്ചാണ് എസ് എഫ് ഐ പ്രതിഷേധം.വംശീയതയുടെ ചരിത്രത്തിലെ ഏറ്റവും പുതിയ കൂട്ടിച്ചേര്ക്കലായ ജോര്ജ്ജ് ഫ്ലോയിഡിന്റെ കൊലപാതകവും ഇന്ത്യയില് തൊഴിലാളിവര്ഗം ജാതിയുടെയും മതത്തിന്റെയും പേരില് കൂടുതല് പാര്ശ്വവല്ക്കരിക്കപ്പെടുകയും ചെയ്യുന്നതിനെതിരെ പ്രതിഷേധമുയര്ന്നു.
ബത്തേരി ഏരിയാ കമ്മറ്റിയുടെ നേതൃത്വത്തില് നടന്ന പ്രതിഷേധ പരിപാടി എസ് എഫ് ഐ ജില്ലാ സെക്രട്ടറി ജോബിസണ് ജെയിംസ് ഉദ്ഘാടനം ചെയ്തു.എസ് എഫ് ഐ ബത്തേരി ഏരിയാ പ്രസിഡന്റ് റിയാസ് മുഹമ്മദ് അധ്യക്ഷനായി ജില്ലാ പ്രസിഡന്റ് അജ്നാസ് അഹമ്മദ് ,ഏരിയാ സെക്രട്ടറി വിനീഷ് കുമാര്, പി സി നിഖില്, അഖില് എന്നിവര് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്