കാണാതായ യുവാവിന്റെ മൃതദേഹാവശിഷ്ടങ്ങള്‍ വനത്തില്‍ കണ്ടെത്തി ;കടുവ കൊന്ന് ഭക്ഷിച്ചതാണെന്ന് നിഗമനം
പുല്‍പ്പള്ളി:വനത്തില്‍ വിറക് ശേഖരിക്കാന്‍ പോയ ആദിവാസി യുവാവിന്റെ ശരീരാവശിഷ്ടങ്ങള്‍ കണ്ടെത്തി.പുല്‍പ്പള്ളി കദവകുന്ന് ബസവന്‍കൊല്ലി കോളനിയിലെ മാധവദാസിന്റെ മകന്‍ മകന്‍ ശിവകുമാര്‍ (23) ശരീരാവശിഷ്ടമാണ് കണ്ടെത്തിയത്. കടുവ കൊന്ന് ഭക്ഷിച്ചതിന് ശേഷമുള്ള ശരീരാവശിഷ്ടമാണെന്നാണ് പ്രാഥമിക നിഗമനംഇന്നലെ രാവിലെ വനത്തില്‍ പോയ ശിവന്‍ രാത്രി വൈകിയും വീട്ടില്‍ മടങ്ങിയെത്താത്തതിനെ തുടര്‍ന്ന് ഇന്ന് രാവിലെ സമീപത്തെ വനത്തില്‍ തെരച്ചില്‍ നടത്തുകയായിരുന്നു .തെരച്ചിലില്‍ മരത്തില്‍ വാക്കത്തി കൊത്തിയ നിലയിലും ചെരുപ്പും രക്ത പാടും കണ്ടു.വനപാലകരും പോലീസും നടത്തിയ തെരച്ചിലില്‍ ഒരു മണിയോടെ മൃതദേഹം കണ്ടെത്തുകയായിരുന്നു. സ്ഥലത്ത് സംഘര്‍ഷാവസ്ഥ നിലനില്‍ക്കുന്നു.പുല്‍പ്പള്ളി ടൗണിലെ ഓട്ടോ ഡ്രൈവറാണ് ശിവകുമാര്‍.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍