കഞ്ചാവ് ലഹരിയില് ഇന്നോവ കാറുമായി കൗമാരക്കാരുടെ വിളയാട്ടം ;കെ.എസ്.ആര്.ടി.സി ബസ്സിനിടിച്ച ശേഷം ട്രാഫിക് നിയമങ്ങള് കാറ്റില് പറത്തിയുള്ള ഡ്രൈവിംഗ്
മാനന്തവാടി:കഴിഞ്ഞ ദിവസം മാനന്തവാടിയിലൂടെ ട്രാഫിക് നിയമങ്ങള് തെറ്റിച്ച് അമിതവേഗതയിലും, അശ്രദ്ധമായും, അപകടകരമായും കാറോടിച്ച കൗമാരക്കാരായ 7 പേരെയാണ് മാനന്തവാടി പോലീസ് പിടിച്ചത്. കാസര്കോട് ഉപ്പള, മൊഗ്രാല് പുത്തൂര് സ്വദേശികളായ ഇവര് മൈസൂരില് ടൂര് പോയി തിരികെ വരുന്ന വഴിക്കായിരുന്നു സംഭവം. കാട്ടിക്കുളം വയല്ക്കരയില് വെച്ച് കെ.എസ്.ആര്.ടി.സി ബസ്സിനിടിച്ച ശേഷം നിര്ത്താതെ വന്ന കാര് പോലീസ് കൈകാണിച്ചിട്ടും അവഗണിച്ച് അമിത വേഗതയില് മുന്നോട്ട് പോകുകയായിരുന്നു. തുടര്ന്ന് അപകടകരമായി മുന്നോട്ട് പോയ കാര് ചൂട്ടക്കടവില് വെച്ച് പോലീസ് തടയുകയായിരുന്നു. വാഹനം പരിശോധിച്ചതില് യാത്രികര് കഞ്ചാവ് ഉപയോഗിച്ചതായി പോലീസിന് ബോധ്യപ്പെടുകയായിരുന്നു. കാസര്കോഡ് സ്വദേശിയുടെ ഇന്നോവ കാര് വാടകക്കെടുത്താണ് ഇവര് കറങ്ങാനിറങ്ങിയത്. സംഭവവുമായി ബന്ധപ്പെട്ട് അശ്രദ്ധമായി വാഹനമോടിച്ചതിനും, പോലീസ് കൈകാണിച്ചിട്ട് നിര്ത്താതെ പോയതിനും കഞ്ചാവ് ഉപയോഗിച്ചതിനും പോലീസ് കേസ് രജിസ്റ്റര് ചെയ്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്