ബോയ്സ് ടൗണിലെ മോഡല് ഡിഗ്രി കോളേജ് ജൂലൈയില് പ്രവര്ത്തനം ആരംഭിക്കാന് തീരുമാനമായി
മാനന്തവാടി;റൂസ പദ്ധതിയുടെ ഭാഗമായി ബോയ്സ് ടൗണില് അനുവദിച്ച സര്ക്കാര് മോഡല് ഡിഗ്രി കോളേജിന്റെ പ്രവര്ത്തനം ജൂലൈയില് ആരംഭിക്കാന് തീരുമാനമായി. താത്ക്കാലികമായി കോളേജ് ആരംഭിക്കുന്നതിനായി കെട്ടിടം കണ്ടെത്തും.കോഴ്സുകളെ സംബന്ധിച്ച് ഉടന് തീരമാനമുണ്ടാക്കാനും യോഗത്തില് ധാരണയായി. 4 ഡിഗ്രി കോഴ്സുകളാണ് ഇവിടെ ആരംഭിക്കുക.കണ്ണൂര് യൂണിവേഴ്സിറ്റിക്ക് കീഴിലാണ് ഈ കോളേജ് പ്രവര്ത്തിക്കുക.പുതിയ കെട്ടിടം ഒരു വര്ഷത്തില് തന്നെ പൂര്ത്തിയാക്കും.ഇന്ന് ഉന്നത വിദ്യാഭ്യാസ മന്ത്രി കെ.ടി ജലീലിന്റെ അദ്ധ്യക്ഷതയില് ചേര്ന്ന യോഗത്തിലാണ് തീരുമാനം.താത്ക്കാലിക കെട്ടിടം ഉള്പ്പെടെയുള്ള സൗകര്യങ്ങള്ക്കായി ശ്രമം ആരംഭിച്ചതായും മാനന്തവാടിയുടെ ഉന്നത വിദ്യാഭ്യാസ മേഖലയില് മറ്റൊരു നാഴികകല്ലാവാന് റൂസ കോളേജിന് കഴിയുമെന്നും യോഗത്തില് പങ്കെടുത്ത മാനന്തവാടി എം.എല്എ ഒ.ആര് കേളു പറഞ്ഞു. എം.എല്എക്കു പുറമേ ഉന്നത വിദ്യാഭ്യാസ വകുപ്പ് ജോയിന്റ് സെക്രട്ടറി ആര്.വിജയകുമാര്, കോളേജ് വിദ്യാഭ്യാസം ഉപ ഡയറക്ടര് ഡോ. ഡി.കെ സതീഷ്, റൂസ അധികൃതരായ ഡോ. രതീഷ്, ഡോ,വിപീഷ് നിര്മ്മാണ ചുമതലയുള്ള കെഎസ്ഐടിഐഎല് അധികൃതരും യോഗത്തില് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്