നെഴ്സിങ് ജോലിക്കായി കുവൈറ്റിലെത്തിയ യുവതിയെ ഏജന്റ് പൂട്ടിയിട്ടതായി പരാതി
പുല്പ്പള്ളി സ്വദേശിനിയായ സോഫിയ പൗലോസിനെയാണ് കുവൈറ്റിലെ ഒരു വീട്ടില് തടങ്കലിലാക്കിയതായി പരാതിയുള്ളത്. ഇതു സംബന്ധിച്ച് ബന്ധുക്കള് പൊലീസില് പരാതി നല്കി. നേഴ്സിങ് ജോലിക്കായി കൊണ്ടുപോയ യുവതിക്ക് മറ്റൊരു ജോലിയാണ് കൊടുത്തത്. ഇത് എതിര്ത്തതോടെയാണ് പൂട്ടിയിട്ടതെന്നാണ് പരാതി. കഴിഞ്ഞ മെയ് 15നാണ് പരിന്തല്മണ്ണയിലെ സ്വകാര്യ ഏജന്സിയിലെ ഇസ്മായില് എന്നയാള് സോഫിയയെ ദുബായില് കൊണ്ടുപോയത്. അവിടെനിന്ന് കുവൈത്തിലെത്തിക്കുകയായിരുന്നു. തുടര്ന്ന് വീട്ടുതടങ്കലിലായ യുവതി മൊബൈല് ഫോണില് സഹോദരനെ വിളിച്ച് പറഞ്ഞതോടെയാണ് വിവരം പുറത്തറിയുന്നത്. ഇതിനെ തുടര്ന്ന് ബന്ധുക്കള് പുല്പ്പള്ളി പൊലീസില് പരാതി നല്കിയിട്ടുണ്ട്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്