വിദ്യാര്‍ത്ഥിയെ വാഹനമിടിച്ച സംഭവം: പ്രതിയെ പിടികൂടി
തരുവണ: തരുവണ ഗവ:യൂ.പി. സ്‌ക്കൂള്‍ വിദ്യാര്‍ത്ഥി മുഹമ്മദ് ഷാദിലിനെ വാഹനമിടിപ്പിച്ചു വീഴ്ത്തിയ ശേഷം നിര്‍ത്താതെ കടന്നു കളഞ്ഞ ബൈക്ക് യാത്രികന്‍ തരുവണ സ്വദേശി പള്ളിയാല്‍ ആഷിക്ക് എന്ന ചെറൂപ്പി ആഷിക്ക് (28) എന്നയാളെ വെള്ളമുണ്ട പോലീസ് അറസ്റ്റ് ചെയ്തു. ഒക്ടോബര്‍ 20 ന് ആണ് തരുവണ യൂ.പി സ്‌കൂളിന് മുന്‍ വശം വച്ചു റോഡിന് വലതു വശം ചേര്‍ന്നു നടക്കുകയായിരുന്ന മുഹമ്മദ് ശാദിലിനെ അശ്രദ്ധമായി വാഹനമോടിച്ച ആഷിക്ക് തട്ടിയത്. തുടര്‍ന്ന് പ്രതി വാഹനവുമായി കടന്നു കളയുകയായിരുന്നു.സിസിടിവി ദൃശ്യങ്ങള്‍ പരിശോധിച്ച പോലീസ് പ്രതിയെ തിരിച്ചറിയുകയും വാഹനം പിടിച്ചെടുക്കുകയും ചെയ്തിരുന്നു.ഇയ്യാള്‍ മദ്യലഹരിയിലായിരുന്നെന്നും, അന്നേ ദിവസം വീട്ടില്‍ പ്രശ്‌നങ്ങളുണ്ടാക്കിയിരുന്നതായും നാട്ടുകാര്‍ പറയുന്നുണ്ട്.
തുടര്‍ന്ന് ഒരാഴ്ചയായി നടത്തിയ അന്വേഷണത്തില്‍ ആണ് ഇന്ന് പ്രതിയെ അറസ്റ്റ് ചെയ്തത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍