പത്മശ്രീ ചെറുവയല്‍ രാമന്റെ നിര്യാണത്തില്‍ മാനന്തവാടി എം.എല്‍.എ ഉഷാ വിജയന്‍ അനുശോചിച്ചു
മാനന്തവാടി: പാരമ്പര്യ നെല്‍വിത്തുകളുടെ കാവല്‍ക്കാരനും, പത്മശ്രീ പുരസ്‌കാര ജേതാവുമായ ചെറുവയല്‍ രാമന്റെ നിര്യാണത്തില്‍ മാനന്തവാടി എം.എല്‍.എ ഉഷാ വിജയന്‍ അനുശോചിച്ചു . വയനാടിന്റെ കാര്‍ഷിക പൈതൃകത്തെയും തനിമയെയും ലോകത്തിന് മുന്നില്‍ അടയാളപ്പെടുത്തിയ മഹാനായ കര്‍ഷകനെയാണ് നഷ്ടമായതെന്ന് തിരുവനന്തപുരത്ത് നിന്ന് നല്‍കിയ അനുശോചന സന്ദേശത്തില്‍ അവര്‍ വ്യക്തമാക്കി. പാരമ്പര്യ നെല്‍വിത്തുകളുടെ സംരക്ഷണത്തിനായി ഒരു ആയുസ്സ് മുഴുവന്‍ മാറ്റിവെച്ച ചെറുവയല്‍ രാമന്റെ വിയോഗം നമ്മുടെ നാടിനും കാര്‍ഷിക മേഖലയ്ക്കും നികത്താനാവാത്ത തീരാനഷ്ടമാണെന്നും എം.എല്‍.എ കൂട്ടിച്ചേര്‍ത്തു.കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെയായിരുന്നു ചെറുവയല്‍ രാമന്റെ (74) അന്ത്യം.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍