ത്രിതല പഞ്ചായത്ത് പദ്ധതികള്ക്ക് അംഗീകാരം
കല്പ്പറ്റ: വയനാട് ജില്ലയിലെ 26 തദ്ദേശ സ്വയംഭരണ സ്ഥാപനങ്ങളുടെ 2026-27 വര്ഷത്തെ ഭേദഗതി പദ്ധതികള്ക്ക് ജില്ലാ ആസൂത്രണ സമിതി അംഗീകാരം നല്കി. ആകെ 5095.63 ലക്ഷത്തിന്റെ 351 ഭേദഗതി പദ്ധതികള്ക്കാണ് സമിതി അംഗീകാരം നല്കിയത്. കൂടാതെ 3181.43 ലക്ഷത്തിന്റെ 621 പുതിയ പദ്ധതികള്ക്കും അംഗീകാരം നല്കി. 2026-27 സാമ്പത്തിക വര്ഷത്തില് വിവിധ പദ്ധതികള്ക്കായി അനുവദിച്ച ഫണ്ടുകള് കൃത്യമായി വിനിയോഗിച്ച് വികസന പദ്ധതികള് സമയബന്ധിതമായി പൂര്ത്തിയാക്കാന് തദ്ദേശ സ്വയംഭരണ സ്ഥാപനങ്ങള് ശ്രദ്ധിക്കണമെന്ന് ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന് പറഞ്ഞു. തദ്ദേശ സ്വയംഭരണ സ്ഥാപനങ്ങളിലെ നിലവിലെ ഒഴിവുകള് നികത്താന് സര്ക്കാരിന്റെ ശ്രദ്ധയില്പ്പെടുത്തി ആവശ്യമായ നടപടി സ്വീകരിക്കുമെന്നും ജില്ലാ പഞ്ചായത്ത് പ്രസിഡന്റ് പറഞ്ഞു.
കളക്ടറേറ്റ് ആസൂത്രണ ഭവനന് എ.പി.ജെ. ഹാളില് ചേര്ന്ന യോഗത്തില് ജില്ലാ പ്ലാനിങ് ഓഫീസര് എം കലാമുദ്ദീന്, ജില്ലാതല ഉദ്യോഗസ്ഥര്, തദ്ദേശ സ്വയംഭരണ സ്ഥാപന അധ്യക്ഷന്മാര്, സെക്രട്ടറിമാര്, ഉദ്യോഗസ്ഥര് തുടങ്ങിയവര് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്