പ്രായപൂര്ത്തിയാകാത്ത കുട്ടിയുടെ മുന്നില് നഗ്നതാ പ്രദര്ശനം ; യുവാവിന് തടവും പിഴയും
ബത്തേരി: പ്രായപൂര്ത്തിയാകാത്ത പെണ്കുട്ടിയുടെ മുന്നില് നഗ്നതാ പ്രദര്ശനം നടത്തിയ കേസില് യുവാവിന് 2 വര്ഷത്തെ തടവും 25000 രൂപ പിഴയും ശിക്ഷ വിധിച്ചു. പുല്പ്പള്ളി റെയിന്ബോ നഗര്, പറോട്ടിയില് വീട്ടില് പി.എ സുജിത്തി(44) നെയാണ് ബത്തേരി ഫാസ്റ്റ് ട്രാക്ക് സ്പെഷ്യല് കോടതി ജഡ്ജ് കെ.ആര് സുനില്കുമാര് ശിക്ഷിച്ചത്. 2021 ഡിസംബറിലാണ് ഇയാള് കുട്ടിക്ക് മുന്നില് നഗ്നതാ പ്രദര്ശനം നടത്തിയത്. അന്നത്തെ പുല്പ്പള്ളി പോലീസ് സ്റ്റേഷന് സബ് ഇന്സ്പെക്ടര് ആയിരുന്ന കെ.എസ് ജിതേഷ് ആണ് കേസില് അന്വേഷണം നടത്തി കുറ്റപത്രം സമര്പ്പിച്ചത്. പ്രോസിക്യൂഷനുവേണ്ടി സ്പെഷ്യല് പ്രോസിക്യൂട്ടര് അഡ്വക്കറ്റ് ഓമന വര്ഗീസ് ഹാജരായി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്