വയനാടിന്റെ അഭിമാനം; സജനയും മിന്നുമണിയും ഡബ്ല്യുപിഎല്ലില് വീണ്ടും
മാനന്തവാടി: പരിമിതമായ സൗകര്യങ്ങളെയും പ്രതിസന്ധികളെയും മറികടന്ന് ദേശീയ വനിതാ ക്രിക്കറ്റിന്റെ ഉയരങ്ങളിലെത്തിയ വയനാടിന്റെ താരങ്ങളായ സജന സജീവനും മിന്നുമണിയും വനിതാ പ്രീമിയര് ലീഗില് (ഡബ്ല്യുപിഎല്) തങ്ങളുടെ ടീമുകളില് വീണ്ടും ഇടം നേടി.ഡബ്ല്യുപിഎല് 2027 സീസണിലേക്കുള്ള നിലനിര്ത്തലില് സജന സജീവനെ മുംബൈ ഇന്ത്യന്സ് നിലനിര്ത്തിയപ്പോള്, മിന്നുമണിയെ ഡല്ഹി ക്യാപിറ്റല്സും നിലനിര്ത്തി. ഇതോടെ ഇരുതാരങ്ങള്ക്കും അടുത്ത ഡബ്ല്യുപിഎല് അധ്യായത്തിലും തങ്ങളുടെ ടീമുകള്ക്കായി കളിക്കാനുള്ള അവസരം ഒരുങ്ങി.വയനാട് പോലെയുള്ള താരതമ്യേന പിന്നാക്ക ജില്ലയില് നിന്ന് പരിമിതമായ സാഹചര്യങ്ങളോട് പൊരുതി കഠിനാധ്വാനത്തിലൂടെയാണ് സജനയും മിന്നുമണിയും ഇന്ത്യന് വനിതാ ക്രിക്കറ്റിന്റെ ശ്രദ്ധേയ സാന്നിധ്യങ്ങളായി വളര്ന്നത്. ജില്ലയുടെ കായിക സ്വപ്നങ്ങള്ക്ക് കരുത്തേകുന്ന നേട്ടം കൂടിയാണ് ഇരുവരുടെയും ഡബ്ല്യുപിഎല് നിലനിര്ത്തല്.
മുംബൈ ഇന്ത്യന്സ് ജഴ്സിയില് സജനയും ഡല്ഹി ക്യാപിറ്റല്സിന്റെ നിറങ്ങളില് മിന്നുമണിയും വീണ്ടും കളത്തിലിറങ്ങുമ്പോള്, അത് വയനാടിന്റെ കായികപ്രേമികള്ക്ക് ഇരട്ട അഭിമാനത്തിന്റെ നിമിഷമാകും. സ്വന്തം നാട്ടിലെ പരിമിതികള് അതിജീവിച്ച് അന്താരാഷ്ട്ര നിലവാരത്തിലേക്ക് വളര്ന്ന ഈ രണ്ട് താരങ്ങളുടെ മുന്നേറ്റം വയനാട്ടിലെ പുതുതലമുറയ്ക്കും വലിയ പ്രചോദനമാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്