തീക്കട്ടയില് ഉറമ്പരിച്ചു..!! പോലീസ് സ്റ്റേഷനിലെ തൊണ്ടിമുതല് മുറിയില് നിന്ന് 7 ചാക്ക് ഹാന്സ് പാക്കറ്റുകള് മോഷണം പോയി
ബത്തേരി: സുല്ത്താന് ബത്തേരി പോലീസ് സ്റ്റേഷനില് സൂക്ഷിച്ചിരുന്ന തൊണ്ടിമുതലായ 7 ചാക്ക് ഹാന്സ് പാക്കറ്റുകള് മോഷണം പോയതായി പരാതി. സംഭവത്തില് സുല്ത്താന് ബത്തേരി പോലീസ് കേസെടുത്തു.കഴിഞ്ഞ ജൂണില് പിടിച്ചെടുത്ത ശേഷം കോടതിയില് ഹാജരാക്കുക യും, പിന്നീട് കോടതി സുരക്ഷിതമായി സൂക്ഷിക്കാന് ഏല്പ്പിക്കുകയും ചെയ്ത ഹാന്സ് പാക്കറ്റുകള് സ്റ്റേഷന് വളപ്പിലെ കെട്ടിടത്തോട് ചേര്ന്നുള്ള മുറിയിലാണ് സൂക്ഷിച്ചിരുന്നത്. ജൂണ് 26 മുതല് തൊണ്ടിമുതലുകള് മുറിയില് സൂക്ഷിച്ചിരുന്നതായും പിന്നീട് നടത്തിയ പരിശോധനയില് ഇന്നലെയാണ് 7 ചാക്കുകള് കാണാനില്ലെന്ന് കണ്ടെത്തിയതെന്നും പോലീസ് രേഖയില് പറയുന്നു.
തുടര്ന്ന് സ്റ്റേഷന് പരിസരത്തും മുറിയിലും നടത്തിയ പരിശോധനയില് ചാക്കുകള് കണ്ടെത്താനായില്ല. മുറിയുടെ താക്കോല് സൂക്ഷിക്കുന്ന പോലീസ് ഉദ്യോഗസ്ഥന്റെ മേശയില് നിന്നും താക്കോല് എടുത്താണ് മോഷണം നടത്തിയതെന്നാണ് എഫ്ഐആര് ല് പറയുന്നത്.സംഭവത്തില് സുല്ത്താന് ബത്തേരി പോലീസ് സ്റ്റേഷനില് െ്രെകം നമ്പര് 835/26 ആയി BNS 331(3), 305(C) വകുപ്പുകള് പ്രകാരം കേസ് രജിസ്റ്റര് ചെയ്തിട്ടുണ്ട്. സംഭവത്തില് പോലീസ് അന്വേഷണം ആരംഭിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്