കമ്പളനാട്ടി നടീല് ഉത്സവം സംഘടിപ്പിച്ചു
മീനങ്ങാടി: കുടുംബശ്രീ ജില്ലാ മിഷന് ആദിവാസി സമഗ്ര വികസന പദ്ധതിയുടെ ഭാഗമായി മീനങ്ങാടി കുടുംബശ്രീ സിഡിഎസിന്റെ നേതൃത്വത്തില് 'കമ്പളനാട്ടി' നടീല് ഉത്സവം സംഘടിപ്പിച്ചു. മീനങ്ങാടി ഗ്രാമ പഞ്ചായത്ത് വൈസ് പ്രസിഡന്റ് പി.കെ സജീവന് ഞാറു നട്ട് കമ്പളനാട്ടി ഉദ്ഘാടനം ചെയ്തു. വയനാട്ടിലെ ഗോത്രവിഭാഗങ്ങള് ആചാരത്തിന്റെ ഭാഗമായി തുടിയുടെയും ചീനിയുടെയും സഹായത്തോടെ വയലേലകളില് നൃത്തമാടി ഞാറു നടന്നതാണു കമ്പളനാട്ടി. കാര്ഷിക പാരമ്പര്യവും ആദിവാസി സമൂഹത്തിന്റെ കൃഷിയറിവുകളും സംരക്ഷിക്കുന്നതിനും പുതുതലമുറയ്ക്ക് പകര്ന്നു നല്കാനാണ് പരിപാടി സഘടിപ്പിച്ചത്. വികസനകാര്യ സ്റ്റാന്റിങ് കമ്മിറ്റി ചെയര്മാന് സാലി വര്ഗീസ് അധ്യക്ഷനായ പരിപാടിയില് സിഡിഎസ് വൈസ് ചെയര്പേഴ്സണ് ബെറ്റി, ബ്ലോക്ക് കോ ഓര്ഡിനേറ്റര് ഷിഫാനത്, ആനിമേറ്റര്മാര് തുടങ്ങിയവര് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്