മതിയായ രേഖകളില്ലാത്ത 1.44 കോടി രൂപയുമായി മൂന്ന് പേര് പിടിയില്
മാനന്തവാടി: തിരുനെല്ലി പോലീസ് സ്റ്റേഷന് പരിധിയിലെ കാട്ടിക്കുളത്ത് വെച്ച് രേഖകളില്ലാതെ കടത്താന് ശ്രമിച്ച 1,44,50,000 (ഒരു കോടി നാല്പ്പത്തിനാല് ലക്ഷത്തി അന്പതിനായിരം) രൂപ പോലീസ് പിടിച്ചെടുത്തു. സംഭവവുമായി ബന്ധപ്പെട്ട് കാറില് യാത്ര ചെയ്തിരുന്ന മൂന്ന് പേരെ പോലീസ് കസ്റ്റഡിയിലെടുത്തു.വടകര അടക്കത്തെരുവ് അമീന കോട്ടേജില് പ്രഭുരാജ് (20), കണ്ണൂര് പാനൂര് ഭീമ നിവാസില് സ്വപ്നില് (23), മഹാരാഷ്ട്ര ഭല്വാണി സ്വദേശി രാഹുല് (26) എന്നിവരാണ് പിടിയിലായത്. ഇന്നലെ വൈകുന്നേരം KA 13 Z 9121 നമ്പര് കാറില് സഞ്ചരിക്കവേയാണ് ഇവര് വലയിലായത്.
തിരുനെല്ലി എസ്.ഐ. എം.സി പവനന്, സി.പി.ഒ മാരായ ജിതിന്, ജോബിന്സ് എന്നിവരും വയനാട് ജില്ലാ ഡാന്സാഫ് (DANSAF) ടീമും സംയുക്തമായി നടത്തിയ വാഹന പരിശോധനയിലാണ് പണം കണ്ടെടുത്തത്. പിടിച്ചെടുത്ത തുകയ്ക്ക് ആവശ്യമായ രേഖകള് ഹാജരാക്കാന് മൂവര്ക്കും കഴിയാതിരുന്നതിനെ തുടര്ന്ന് പോലീസ് തുടര് നിയമനടപടികള് സ്വീകരിച്ചു വരികയാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്