വയനാട് സ്വദേശിയെ കേരള സര്വകലാശാലയുടെ സിന്ഡിക്കേറ്റംഗമായി സര്ക്കാര് നോമിനേറ്റ് ചെയ്തു
തിരുവന്തപുരം: കേരളത്തിന്റെ മാതൃ സര്വകലാശാലയായ കേരള സര്വകലാശാലയുടെ ഉന്നതാധികാര സമിതിയായ സിന്ഡിക്കേറ്റിലേക്ക് വാളാട് സ്വദേശി ഡോ. നൗഷാദിനെ സംസ്ഥാന സര്ക്കാര് നാമനിര്ദ്ദേശം ചെയ്തു. നാക് അക്രഡിറ്റേഷനില് എ ഡബിള് പ്ലസും ദേശീയ റാങ്കിംഗില് രാജ്യത്തെ തന്നെ സംസ്ഥാന സര്വകലാശാലകളില് അഞ്ചാം സ്ഥാനത്തുമുള്ള കേരള സര്വകലാശാലയുടെ ഭരണതലത്തില് എത്തുന്ന ആദ്യ വയനാട്ടുകാരനാണ് ഡോ. നൗഷാദ്. കേരള സര്വകലാശാലയിലെ മുന് വകുപ്പ് മേധാവി കൂടിയായ ഡോ. നൗഷാദിന്റെഉന്നത വിദ്യാഭ്യാസ മേഖലയിലെ പ്രവര്ത്തനങ്ങള് മുന് നിര്ത്തിയാണ് സര്ക്കാര് നാമനിര്ദ്ദേശം ചെയ്തത്. മൗലാനാ ആസാദ് നാഷണല് ഉര്ദു യൂണിവേഴ്സിറ്റി, തിരുവള്ളൂര് യൂണിവേഴ്സിറ്റി, ശ്രീ നാരായണ ഓപ്പണ് യൂനിവേഴ്സിറ്റി തുടങ്ങിയ സര്വകലാശാലകളുടെ പഠന ബോര്ഡംഗം കൂടിയാണ് ഡോ. നൗഷാദ് . സിന്ഡിക്കേറ്റിലെ സുപ്രധാന സ്ഥിരംസമിതിയായ അക്കാദമിക് & റിസര്ച്ച് കമ്മിറ്റിയുടെ കണ്വീനറായി കഴിഞ്ഞ ദിവസം ഡോ.നൗഷാദ് ചുമതലയേറ്റു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്